βωταλὶς ἀπό τινος θυρίδος κρεμαμένη νυκτὸς ᾖδε · νυκτερὶς δὲ προσελθοῦσα ἐπυνθάνετο αὐτῆς τὴν αἰτίαν, δι’ἣν ἡμέρας μὲν ἡσυχάζει, νύκτωρ δὲ ᾄδει. τῆς δὲ λεγούσης, ὡς οὐ μάτην τοῦτο πράττει · “ἡμέρας γάρ ποτε ᾄδουσα συνελήφθην, διὸ ἀπ’ἐκείνου ἐσωφρονίσθην · ἡ νυκτερὶς εἶπεν · , ἀλλ’οὐ νῦν σε δεῖ φυλάττεσθαι, ὅτε οὐδὲν ὄφελός ἐστι, τότε δὲ πρὶν ἢ συλληφθῆναι”. ὁ λόγος δηλοῖ, ὅτι ἐπὶ τοῖς ἀτυχήμασι μετάνοια ἀνωφελὴς καθέστηκε.