γέννημα φρύνου συνεπάτησε βοῦς πίνων · ἐλθοῦσα δ’αὐτόσ’(οὐ παρῆν γὰρ) ἡ μήτηρ παρὰ τῶν ἀδελφῶν, ποῦ ποτ’ἦν, ἐπεζήτει. “τέθνηκε, μῆτερ · ἄρτι γὰρ πρὸ τῆς ὥρης ἦλθεν πάχιστον τετράπουν, ὑφ’οὗ κεῖται χηλῇ μαλαχθείς”. ἡ δὲ φρῦνος ἠρώτα, φυσῶσ’ἑαυτὴν, εἰ τοιοῦτον ἦν ὄγκῳ τὸ ζῶον. οἱ δὲ μητρὶ “παῦε, μὴ πρίου · θᾶσσον σεαυτὴν” · εἶπον “ἐκ μέσου ῥήξεις, ἢ τὴν ἐκείνου ποιότητα μιμήσῃ”. ὅτι ἐπικίνδυνον τοῖς ἐλάττοσι παρατείνεσθαι τοῖς μείζοσι.