λύκος τις ἁδρὸς ἐν λύκοις ἐγεννήθη, λέοντα δ’αὐτὸν ἐπεκάλουν · ὁ δ’ἀγνώμων τὴν δόξαν οὐκ ἤνεγκε, τῶν δὲ συμφύλων ἀποστατήσας τοῖς λέουσιν ὡμίλει. κερδὼ δ’ἐπισκώπτουσα “μὴ φρενωθείην” ἔφη “τοσοῦτον, ὡς σὺ νῦν ἐτυφώθης · σὺ γὰρ ὡς ἀληθῶς ἐν λύκοις λέων φαίνῃ, ἐν δ’οὖ λεόντων συγκρίσει λύκος γίγνῃ”. πρὸς τοὺς ὑπὸ τῶν κολάκων οὐκ ὀρθῇ κρίσει ἐπαινουμένους καὶ μέγα φρονοῦντας, ἐλεγχομένους δὲ ἑαυτοὺς ἐπιγινώσκοντας.