On Antidotes, 2

περὶ τῶν Μιθριδατείωντε καὶ ἄλλων τινῶν Ἀνδρομάχου ἀντιδότων. ὁ περὶ τῆς θηριακῆς λόγος εἰς ὅλον βιβλίον ἐκταθεὶς, σύντομον ἐργάζεται τὸν περὶ ἄλλων ἀντιδότων λόγον, ἃς ἐν τῷδε τῷ γράμματι πρόκειταί μοι διελθεῖν, ἀπὸ τῆς Μιθριδατείου καλουμένης ἀρξαμένῳ, πρὸς μὲν τὰ πλεῖστα τῶν δηλητηρίων φαρμάκων δραστικωτέρας ὑπαρχούσης, ἀπολειπομένης δὲ ἐν τῇ τῶν ὑπ’ἐχίδνης δηχθέντων ἰάσει τῆς θηριακῆς ὀνομαζομένης. ἐπεὶ δὲ καὶ ταύτην καὶ σχεδὸν ἁπάσας τὰς ἀρίστας ἔγραψεν ἐφεξῆς ὁ Ἀνδρόμαχος ἐν τῇ τῶν ἐντὸς φαρμάκων διδασκαλίᾳ, διὰ τοῦτο κᾀγὼ πάσας αὐτὰς, ὡς ἐκεῖνος ἔγραψεν, ἐφεξῆς παραθήσομαι. Ἀνδρομάχου ἀντίδοτοι. ἀντίδοτος Μιθριδάτειος, πρὸς τὰ θανάσιμα ἰδίως ποιοῦσα, καὶ πρὸς τὰ ἐντὸς πάθη πάντα. Ϛ Γλυκυρρίζης 𐅻 ζʹ Ϛ “. καὶ τετρώβολον, ὀπίου 𐅻 δʹ. ὀβολοὺς βʹ. καστορίου 𐅻 στʹ. πολίου 𐅻 εʹ. ὀβολοὺς βʹ. κόστου 𐅻 εʹ. καὶ ὀβολοὺς βʹ. ναρδοστάχυος 𐅻 στʹ. ὀβολοὺς βʹ. κασίας 𐅻 εʹ. ὀβολοὺς βʹ. λιβάνου 𐅻 στʹ. σεσέλεως 𐅻 εʹ. ὀβολοὺς βʹ. ὑποκυστίδος χυλοῦ 𐅻 στʹ. ἀκόρου 𐅻 βʹ. σκορδίου 𐅻 στʹ. ὀβολοὺς βʹ. φύλλου 𐅻 δʹ. γάλλου 𐅻 εʹ. τριώβολον. οἱ δὲ 𐅻 στʹ. κύφεως 𐅻 στʹ. ὀβολοὺς βʹ. σμύρνης 𐅻 στʹ. κρόκου 𐅻 ζʹ. ὀβολοὺς βʹ. κινναμώμου 𐅻 ζʹ. ὀβολοὺς βʹ. στύρακος 𐅻 εʹ. ὀβολοὺς δʹ. δαύκου σπέρματος 𐅻 στʹ. τριώβολον, ζιγγιβέρεως 𐅻 ζʹ. ὀβολοὺς βʹ. φοῦ Ποντικοῦ 𐅻 βʹ. πετροσελίνου 𐅻 δʹ. ὀβολοὺς γʹ. νάρδου Κελτικῆς 𐅻 δʹ. μαράθρου σπέρματος 𐅻 δʹ. νάρδου Ἰνδικῆς 𐅻 δʹ. ὑπερικοῦ 𐅻 βʹ. ἀκακίας 𐅻 βʹ. γεντιανῆς 𐅻 δʹ. οἱ δὲ 𐅻 βʹ. ἀνίσου 𐅻 γʹ. θλάσπεως 𐅻 στʹ. ὀβολοὺς δʹ. μήου ἀθαμαντικοῦ 𐅻 δʹ. οἱ δὲ 𐅻 βʹ. ῥόδων ξηρῶν 𐅻 δʹ. κόμμεως 𐅻 βʹ. καρδαμώμου 𐅻 δʹ. οἱ δὲ 𐅻 βʹ. σχοίνου 𐅻 στʹ. ὀβολοὺς βʹ. ὀποπάνακος 𐅻 στʹ. ὀβολοὺς βʹ. ὀποβαλσάμου 𐅻 στʹ. ὀβολοὺς δʹ. χαλβάνης 𐅻 ζʹ. σκίγκου 𐅻 βʹ. ὀβολοὺς βʹ. τερμινθίνης 𐅻 στʹ. ὀβολοὺς βʹ. οἴνου Χίου τὸ ἱκανὸν, μέλιτος Ἀττικοῦ ἑφθοῦ τὸ ἱκανόν. ἄλλως ἡ Μιθριδάτειος ὡς Ἀντίπατρος καὶ Κλεόφαντος. Ϛ Σμύρνης 𐅻 ζʹ Ϛ”. ὀβολοὺς δʹ. οἱ δὲ γʹ. νάρδου ἶσον, κρόκου 𐅻 ζʹ. ὀβολοὺς γʹ. ὀπίου 𐅻 δʹ. ὀβολοὺς βʹ Ϛ “. στύρακος 𐅻 εʹ. καστορίου 𐅻 στʹ. ὀβολὸν ἕνα, κινναμώμου 𐅻 ζʹ. ὀβολοὺς γʹ. πολίου 𐅻 στʹ. ὀβολοὺς γʹ. σκορδίου 𐅻 ζʹ. ὀβολοὺς γʹ. ζιγγιβέρεως τὸ ἶσον, κόστου 𐅻 στʹ. ὀβολοὺς γʹ. πεπέρεως λευκοῦ 𐅻 εʹ. ὀβολοὺς βʹ. πεπέρεως μακροῦ 𐅻 στʹ. ὀβολοὺς γʹ. σεσέλεως 𐅻 εʹ. ὀβολοὺς βʹ. ἀβροτόνου 𐅻 εʹ. ὀβολοὺς βʹ. πετροσελίνου 𐅻 ιδʹ. δαύκου σπέρματος 𐅻 στʹ. ὀβολοὺς γʹ. κασσίας 𐅻 εʹ. ὀβολοὺς γʹ. λιβάνου 𐅻 στʹ. ὀβολοὺς βʹ. ὑποκυστίδος χυλοῦ 𐅻 στʹ. ὀβολὸν αʹ Ϛ”. νάρδου Κελτικῆς 𐅻 δʹ. μαράθρου σπέρματος 𐅻 δʹ. μαλαβάθρου φύλλων 𐅻 δʹ. νάρδου Ἰνδικῆς 𐅻 δʹ. ἀκόρου, φοῦ Ποντικοῦ, σαγαπηνοῦ, βαλσάμου καρποῦ, ὑπερικοῦ, Ἰλλυρίδος, ἀνὰ 𐅻 βʹ. μίλτου Λημνίου 𐅻 στʹ. κύφεως, σκίγκου ὀσφύος, ἀνὰ 𐅻 στʹ. ἀκακίας, κόμμεως, καρδαμώμου, πελεκίνου, ἀνὰ 𐅻 βʹ. θλάσπεως 𐅻 στʹ. ὀβολοὺς δʹ. γεντιανῆς 𐅻 δʹ. οἱ δὲ γʹ. ἀνίσου 𐅻 γʹ. ῥόδων ξηρῶν 𐅻 δʹ. μήου ἀθαμαντικοῦ ἶσον, σχοίνου 𐅻 στʹ. ὀβολοὺς γʹ. ὀποπάνακος 𐅻 στʹ. χαλβάνης 𐅻 στʹ. ὀβολοὺς γʹ. ὀποβαλσάμου τὸ ἶσον, ἀριστολοχίας 𐅻 αʹ. ὑσσώπου 𐅻 γʹ. πρασίου 𐅻 αʹ. χαμαιπίτυος 𐅻 γʹ. λιβανωτίδος 𐅻 εʹ. τερμινθίνης 𐅻 στʹ. τριώβολον, μέλιτος Ἀττικοῦ τὸ ἱκανὸν, οἶνον μὴ βάλε. ἀντίδοτος ἡ Ὀρβανοῦ λεγομένη τοῦ Ἰνδοῦ, πρὸς τὸ τὰ ἐντὸς βρέφη ἐκβάλλειν. Ϛ Σμύρνης 𐅻 ιεʹ. κρόκου 𐅻 ιστʹ. νάρδου Ἰνδικῆς 𐅻 ιστʹ. κινναμώμου, κασσίας, πάνακος, ἀνὰ 𐅻 ιγʹ. ἀμώμου 𐅻 ηʹ. σκορδίου 𐅻 κεʹ. ἐν ἄλλῳ 𐅻 εʹ. σχοίνου ἄνθους 𐅻 ηʹ. μήου ἀθαμαντικοῦ 𐅻 γʹ. ῥόδων χυλοῦ 𐅻 ιβʹ. ὀβολοὺς γʹ. φοῦ 𐅻 εʹ. ὀβολοὺς γʹ. ὑπερικοῦ 𐅻 εʹ. ζιγγιβέρεως 𐅻 στʹ. πεπέρεως μέλανος 𐅻 στʹ. πεπέρεως λευκοῦ 𐅻 ηʹ. στύρακος 𐅻 εʹ. ὀβολοὺς γʹ. μαράθρου ἀγρίου σπέρματος 𐅻 γʹ. ὀβολοὺς δʹ. πεπέρεως μακροῦ 𐅻 εʹ. οἱ δὲ στʹ. κόστου 𐅻 ζʹ. ὀβολοὺς γʹ. τριφύλλου σπέρματος 𐅻 εʹ. γεντιανῆς 𐅻 δʹ. ἀριστολοχίας στρογγύλης 𐅻 δʹ. πολίου 𐅻 εʹ. τριφύλλου ῥίζης 𐅻 εʹ. ὀβολοὺς γʹ. καρδαμώμου 𐅻 εʹ. ἐχίου ῥίζης 𐅻 δʹ. λιβάνου δραχμὰς στʹ. πετροσελίνου δραχμὰς στʹ. φλόμου δραχμὰς στʹ. σεσέλεως δραχμὰς εʹ. κυμίνου Αἰθιοπικοῦ δραχμὰς γʹ. βαλσάμου καρποῦ δραχμὰς δʹ. νάρδου Κελτικῆς 𐅻 ζʹ. Λημνίας δραχμὰς δʹ. μηκωνείου 𐅻 δʹ. ὀβολοὺς γʹ. κάγχρυος σπέρματος δραχμὰς γʹ. κύφεως δραχμὰς δʹ. ἴρεως Ἰλλυρικῆς ἴσον, μανδραγόρου χυλοῦ δραχμὰς στʹ. ὀβολοὺς γʹ. σαγαπηνοῦ δραχμὰς δʹ. ὀποπάνακος δραχμὰς γʹ. ἀνίσου δραχμὰς δʹ. ὑποκυστίδος χυλοῦ δραχμὰς στʹ. τερμινθίνης δραχμὰς εʹ. ὀβολοὺς γʹ. καστορίου δραχμὰς εʹ. ὀποβαλσάμου δραχμὰς ιστʹ. πηγάνου ἀγρίου σπέρματος δραχμὰς γʹ. χαλβάνης δραχμὰς δʹ. βουνιάδος σπέρματος ἶσον, ἐλαφείου μυελοῦ δραχμὰς στʹ. ὀβολοὺς γʹ. μύρου νάρδου δραχμὰς κʹ. αἵματος ἐριφείου ξηροῦ δραχμὰς εʹ. ὀβολοὺς τρεῖς, καὶ χηνείου ξηροῦ ἶσον, νήσσης αἵματος δραχμὰς γʹ. τριώβολον, βουφθάλμου Αἰγυπτίου χυλοῦ δραχμὰς ηʹ. οἴνου Χίου ἀθαμαντικοῦ τὸ ἱκανόν. ἀντίδοτος πανάκεια δι’αἱμάτων, ᾗ χρῶμαι, πλείστην ἐπαγγελίαν ἔχουσα ἐκ τῶν Ἀφροδᾶ. Ϛ Κινναμώμου 𐅻 ηʹ. ἀμώμου 𐅻 δʹ. κασσίας σύριγγος μελαίνης 𐅻 ιστʹ. κρόκου 𐅻 ιστʹ. σχοίνου 𐅻 εʹ. λιβάνου 𐅻 εʹ. πεπέρεως λευκοῦ 𐅻 δʹ. ὀβολοὺς γʹ. καὶ μακροῦ 𐅻 αʹ. ὀβολοὺς γʹ. σμύρνης 𐅻 ιαʹ. ὀβολοὺς βʹ. νάρδου Ἰνδικῆς 𐅻 ιαʹ. τετρώβολον, Κελτικῆς 𐅻 ιστʹ. ὀβολοὺς βʹ. ῥόδων ξηρῶν 𐅻 στʹ. κόστου 𐅻 βʹ. ὀβολοὺς γʹ Ϛ “. ὀποβαλσάμου 𐅻 δʹ. ὀβολοὺς βʹ. ὀποῦ Κυρηναϊκοῦ 𐅻 γʹ. ἄλλοι 𐅻 δʹ Ϛ”. στοιχάδος 𐅻 εʹ. ὀβολοὺς βʹ. τριφύλλου ῥίζης 𐅻 δʹ. ἢ τοῦ σπέρματος 𐅻 γʹ. σκορδίου ἄνθους 𐅻 ιαʹ. ὀβολοὺς βʹ. πολίου Κρητικοῦ 𐅻 στʹ. ὀβολοὺς βʹ. ἀσάρου 𐅻 βʹ. ἀκόρου 𐅻 γʹ. ὀβολοὺς γʹ Ϛ “. δαύκου σπέρματος τὸ ἴσον, ἀνίσου σπέρματος 𐅻 βʹ. κυμίνου Αἰθιοπικοῦ ἴσον, ῥήου Ποντικοῦ 𐅻 εʹ. ὀβολοὺς γʹ Ϛ”. βουνιάδος σπέρματος ἀγρίας 𐅻 γʹ. ἢ γογγυλίδος σπέρματος ἴσον, φοῦ Ποντικοῦ 𐅻 βʹ. μέλιτος ἑφθοῦ τὸ ἱκανόν. ἀντίδοτος ἀσύγκριτος ἣν συνέθηκα, ποιοῦσα πρὸς πάντα τὰ ἐντὸς πάθη, ὡς Νικόστρατος. Ϛ Ῥίζης γλυκείας, μαλαβάθρου φύλλου, ὀποβαλσάμου, ἀγαρικοῦ, κινναμώμου ἀνὰ 𐅻 ιγʹ. ζιγγιβέρεως, τριφύλλου σπέρματος, ἀμώμου, πηγάνου ἀγρίου σπέρματος, ἀρκευθίδων μὴ πεπείρων ξηρῶν ἀνὰ 𐅻 ιεʹ. πετροσελίνου ἀνὰ 𐅻 ηʹ. ὀποῦ μήκωνος ἴσον, καστορίου, πεπέρεως μακροῦ, ὑποκυστίδος χυλοῦ, κύφεως ἀνὰ 𐅻 ιβʹ. ὀβολοὺς βʹ. πολίου, πεπέρεως λευκοῦ, σεσέλεως, βδελλίου ἀνὰ 𐅻 ιεʹ. ὀβολοὺς γʹ. σχοίνου ἄνθους, κόστου ἀνὰ 𐅻 ιβʹ Ϛ “. δαύκου σπέρματος, θλάσπεως ἀνὰ 𐅻 ιγʹ. ναρδοστάχυος 𐅻 κδʹ. κασσίας μελαίνης ῥίζης 𐅻 ιστʹ. λιβάνου, πάνακος, ὀποπάνακος, ἀνὰ 𐅻 ιβʹ. ἀκόρου 𐅻 εʹ. σκορδίου 𐅻 ιζʹ. μαράθρου, νάρδου Κελτικῆς, Γεντιανῆς, ῥόδων ἄνθους, κόμμεως, ὀποῦ Κυρηναϊκοῦ, καρδαμώμου, ἀμμωνιακοῦ θυμιάματος, ἐχίου ῥίζης, ἀπαρίνης χυλοῦ, ἀνὰ 𐅻 ηʹ. σαγαπηνοῦ, ὑπερικοῦ, ἀκακίας χυλοῦ, ἴρεως Ἰλλυρικῆς, ἀνὰ 𐅻 ιδʹ. σμύρνης στακτῆς 𐅻 κʹ. κρόκου δραχμὰς λʹ. στύρακος δραχμὰς ιαʹ. ὀβολοὺς βʹ. φοῦ, μήου, δικτάμνου, βουνιάδος σπέρματος, καλάμου ἀρωματικοῦ, ἀνὰ δραχμὰς ηʹ ἢ ιʹ. ἀνίσου, ἀσάρου, ἀγαρικοῦ, σκίγκου, ἀνὰ δραχμὰς στʹ. τερμινθίνης, ἀνὰ δραχμὰς ιδʹ. ὀβολοὺς δʹ. χαλβάνης δραχμὰς εʹ. νήσσης θηλείας αἵματος, ἐριφείου αἵματος, ἀνὰ δραχμὰς ζʹ. πεπέρεως μέλανος καὶ πεπέρεως μακροῦ, ἀνὰ 𐅻 κδʹ. κροκομάγματος ἴσας, πενταφύλλου ῥίζης, ὀριγάνου ἀγρίου, πρασίου, στοιχάδος, ἄμμεως, χαμαίδρυος, χαμαιπίτυος, κενταυρίου λεπτοῦ, ἀριστολοχίας λεπτῆς, ἀνὰ 𐅻 στʹ. λημνίας σφραγῖδος 𐅻 λʹ. χηνείου αἵματος, χελώνης θαλασσίας, ῥήου Ποντικοῦ ἀνὰ 𐅻 ζʹ. μέλιτος Ἀττικοῦ τὸ ἀρκοῦν · ἡ πόσις κυάμου μέγεθος ἐν ὕδατι. ποιεῖ καὶ πρὸς τεταρταῖον, πρὸς δὲ τὰ θανάσιμα, ὡς οὐκ ἄλλη. ἀντίδοτος Αἰλίου Γάλλου, ᾖ Καῖσαρ συμφώνως, ταύτῃ καὶ Χάρμης ἐχρήσατο, ποιοῦσα πρὸς τὰ θανάσιμα καὶ ἰοβόλα, κᾂν τόπον ἑρπετῶν καταρράνῃς, φυγαδεύσεις. ποιεῖ πρὸς ῥεῦμα πᾶν ὀφθαλμῶν, καὶ τῶν λοιπῶν ἀναξηραίνουσα, δυσαρεστήματα λύει, πυρετοὺς χρονίους καὶ περιοδικούς. ποιεῖ δὲ καὶ ἐπὶ τῶν δυστραπέλως καθαιρομένων γυναικῶν, ἀλύπως ἔμβρυα ἐκκρίνει, ποιεῖ καὶ πρὸς φθισικούς. ἡ δόσις καρύου Ποντικοῦ μεθ’ὕδατος κυάθων δʹ. ἐπὶ δὲ τῶν ἐχεοδήκτων σὺν οἴνῳ. Ϛ Σμύρνης 𐅻 ιβʹ. κρόκου 𐅻 ιδʹ. νάρδου ιδʹ. σχοίνου ιβʹ. κινναμώμου βʹ. ἀμώμου δʹ. χαλβάνης ιαʹ. τερμινθίνης 𐅻 εʹ. πεπέρεως λευκοῦ ιʹ, καὶ μακροῦ λβʹ. κόστου 𐅻 ηʹ. λιβάνου ιβʹ. ὀποῦ μήκωνος ἶσον, σκορδίου 𐅻 νʹ. ἐν ἄλλῳ ηʹ. πολίου δʹ. ὑποκυστίδος χυλοῦ ιβʹ. πετροσελίνου ιηʹ. σεσέλεως ιδʹ. δαύκου σπέρματος ιστʹ. ὀποβαλσάμου ιβʹ. ὀποπάνακος ἴσον, καστορίου ηʹ. μέλιτος Ἀττικοῦ ξε. βʹ. ἀντίδοτος Ζωπύριος. Ϛ Κινναμώμου 𐅻 γʹ. σμύρνης στακτῆς 𐅻 εʹ. νάρδου εʹ. δίδοται καρύου Ποντικοῦ μέγεθος σὺν ὕδατι, κυάθοις τρισὶν ἐπ’ἐνιαυτόν.

περὶ τῆς Μιθριδατείου ἀντιδότου, ὡς Δαμοκράτης. ταύτας μὲν οὖν τὰς ἀντιδότους τὰς γεγραμμένας πάσας ὁ Ἀνδρόμαχος ἔγραψεν. ἐπεὶ δὲ τὰ διὰ μέτρων γεγραμμένα, καὶ πρὸς ἀκρίβειαν τῶν σταθμῶν τῶν φαρμάκων, καὶ πρὸς μνήμην ἐστὶ χρησιμώτατα, διὰ τοῦτο καὶ τὰς ὑπὸ Δαμοκράτους συγγεγραμμένας ἀξιολόγους ἀντιδότους ἐφεξῆς ὑπέταξα, τὴν ἀρχὴν ἀπὸ τῆς Μιθριδατείου ποιησάμενος. αἱ ὑπὸ Δαμοκράτους ἀντίδοτοι γεγραμμέναι. ἀντίδοτος ἥν λέγουσι Μιθριδάτειόν τινες τῶν σφόδρα ἐπισήμων, δραστικὸν φάρμακον πρὸς πᾶν πάθος πᾶσάντ’ἀντίδοτον εἶπον ποιεῖν. σμύρνης Ἀραβικῆς Τρωγλοδύτιδος 𐅻 ιʹ. κρόκου ιʹ. ἀγαρικοῦ ιʹ. ζιγγιβέρεως Ιʹ. κινναμώμου ιʹ. ναρδοστάχυος Ιʹ. λιβάνου ιʹ. θλάσπεως ιʹ. καὶ σεσέλεως, ὀποβαλσάμου, σχοίνουτε καὶ Στοιχάδος, κόστου, χαλβάνης, τερμινθίνης, Μακροῦ πεπέρεως, καστορίουτε Ποντικοῦ, Ὑποκυστίδος χυλοῦτε, καὶ στύρακος καλοῦ, Ὀποπάνακος, καὶ μαλαβάθρου φύλλων νέου, Πάντων ἑκάστου τὰς ἴσας δὶς δʹ. κασίας μελαίνης ζʹ. πολίου ζʹ. λευκοῦ πεπέρεως ταὐτὸ, σκορδίουτ’ἴσον, Τοῦ Κρητικοῦ δαύκουτε ταὐτὸν σπέρματος. ἴσας δ’ἔνι τούτων, βαλσάμου καρποῦ δραχμὰς, Καὶ κύφεως τὸν αὐτὸν ἐνίοτε τούτων σταθμόν. τινὲς δὲ καὶ βδελλίου ἐπὶ τούτων ἴσον, Νάρδου καθαρᾶς δὲ Κελτικῆς, καὶ κόμμεως, Καὶ πετροσελίνου, καὶ ὀπίου, μηκωνείου, Καὶ καρδαμώμου, καὶ μαράθρου τοῦ σπέρματος, Καὶ Γεντιανῆς, καὶ ῥόδων φύλλων ἴσας, Ἀνὰ εʹ. δραχμὰς μικρὸν ἐπιρρεπέστερον. τοῦ Κρητικοῦτε ταὐτὸ δικτάμνου μέρος, Ἀνίσουτε καὶ ἀσάρουτε γʹ. 𐅻 Ἀκόρουτε καὶ φοῦ, καὶ σαγαπηνοῦ τὰς ἴσας, Ἀθαμαντικοῦ μήουτε καὶ τῆς ἀκακίας, Σκίγκουτε γαστρὸς, ὑπερικοῦτε σπέρματος. τούτων ἴσα πάντων ἀνὰ βʹ. Ϛ”. ὁλκάδας, οἴνου τὸ μέτριον, καὶ μέλιτος Τὸ σύμμετρον, ὡς τάσδ’ὁμοίως οὕτως σκεύασον. ἐπεὶ οὖν κύφεως ἐμνημόνευσεν ὁ Δαμοκράτης, ὃ καὶ αὐτὸς κατασκευάζεται, διὰ τοῦτο καλῶς ἐποίησε, προσγράψας αὐτοῦ τὴν κατασκευὴν, ἐφεξῆς γεγραμμένην. τὸ κῦφι δ’οὐδέν ἐστιν οὐ δὲ μίγμ’ἁπλοῦν, Οὐ δ’αὐτὸ γῆ φέρει τις, οὐ δ’ὀπίζεται. Αἰγύπτιοι δὲ τοῦτο τῶν θεῶν τισιν Ἐπιθυμιῶσι σκευάσαντες, ὡς φράσω. λευκὴν λαβόντες σταφίδα τὴν λιπαρωτάτην, Αἴρουσι τὸν φλοιόντε καὶ τὸ σπέρμ’ἅπαν. τὴν σάρκα δ’αὐτῆς λεοτριβήσαντες καλῶς Ἱστᾶσι δραχμὰς Ἀττικὰς δὶς δώδεκα, Τερμινθίνηςτε ταὐτὸ τῆς κεκαυμένης, Σμύρνηςτε ιβʹ. κινναμώμου δʹ. σχοίνου ιβʹ. καὶ κρόκου μία, βδελλίου Ὄνυχας 𐅻 γʹ. ἀσπαλάθου βʹ. Ϛ “. ναρδοστάχυος γʹ. καὶ κασίας γʹ. τῆς καλῆς Καθαρᾶς, κυπείρου γʹ. δραχμὰς, ἀρκευθίδων Ἐκ τῶν μεγίστων καὶ λιπαρῶν ταύταις ἴσας, Θʹ. δὲ καλάμου τοῦ μυρεψικοῦ δραχμὰς, Μέλιτος τὸ μέτριον, παντελῶς οἴνου βραχὺ, Βδέλλιον, οἶνον, σμύρναν εἰς θυΐδιον Βαλόντες, εὖ τρίβουσιν ὡς μέλιτος πάχος Ὑγροῦ ποιῆσαι, καὶ προσαποδόντες μέλι Τὴν σταφίδα συντρίβουσιν, εἶτα λεῖα δὲ Ἅπαντα καταμίξαντες ἐκ τούτου κύκλους Βραχεῖς ποιοῦντες θυμιῶσι τοῖς θεοῖς. Ῥοῦφος μὲν οὕτω δεῖν ἔφασκε σκευάσαι, Ἀνὴρ ἄριστος ἑκτικόςθ’ἐν τῇ τέχνῃ. ἔνιοι δὲ κιννάμωμον οὐ σχόντες βαλεῖν Μίσγουσι ταὐτὸ καρδαμώμου σπέρματος. χρῶνται δ’ὁμοίως τῇ πρὸ ταύτης συνθέσει. τινὲς δὲ καὶ τοῖς ἧπαρ ἢ τὸν πνεύμονα, Ἥ καί τι ἕτερον σπλάγχνον ἐξηλκωμένοις Πίνειν διδόασιν, ὡς δραχμὴν τοῦ φαρμάκου.

περὶ τριῶν ἀντιδότων ἀξιολόγων, δυοῖν πρὸς τὴν φθίσιν καὶ μιᾶς πρὸς τὰ δηλητήρια. μεμνημένου δὲ τοῦ Δαμοκράτους καὶ ἄλλων ἀντιδότων ἀξιολόγων, ἄμεινον ἔδοξέ μοι κᾀκείνας διὰ τὴν αὐτὴν χρείαν ἐν μέτρῳ γεγραμμένας ὑπ’αὐτοῦ παραθέσθαι. τὴν μὲν οὖν θηριακὴν ὀνομαζομένην ὅπως συντίθησιν ἐν τῷ πρὸ τούτου λόγῳ δεδήλωκα · νυνὶ δὲ τὰς ἐφεξῆς αὐτῆς γεγραμμένας παραθήσομαι. ἄλλη σφόδρα καλὴ πρὸς φθισικοὺς κεχρονισμένους Τοὺςθ’αἷμ’ἀνάγοντας, καὶ πυρέσσοντας λάθρα, Καὶ τοὺς ἔχοντας ἀσθενῆ θώρηκα, Καὶ τοὺς στομαχικοὺς, ἡπατικοὺς, νεφριτικοὺς, Καὶ πρὸς ἅ προεῖπον πάντα. τοῖς τρυφερωτέροις Μᾶλλον προσηνὴς, ἀλλ’ἔλαττον δραστική. ταύτῃ λέγουσι τὸν Σεβαστὸν ἡδέως Χρησάμενον ὑγιᾶ γεγονέναι ἐν βραχεῖ χρόνῳ, Πλευροῖςτε καὶ θώρακι δυσχρηστούμενον. ἔχει δὲ ψυλλίουτε καὶ κασίας κιρρᾶς, Ναρδοστάχυόςτε, καὶ καθαρᾶς τῆς Κελτικῆς, Καὶ κινναμώμου, καὶ κρόκου τοῦ προσφάτου, Ἀνὰ ιβʹ. δραχμὰς, καὶ ὀποβαλσάμου δέκα, Στακτῆς Ἀραβικῆς παχυτάτης ιστʹ. σχοίνουτε λεπτῆς, Λημνίαςτε τῆς καλῆς, Ῥᾶ Ποντικοῦτε, πηγάνουτε σπέρματος, Τὸ δ’ἄγριόν ἐστι πήγανον κρεῖττον πολὺ, Καλοῦτ’ἀμώμου καὶ ῥόδων ξηρῶν ἴσον, Λευκοῦτε πεπέρεως, βουνιάδος τοῦ σπέρματος. ἔστω δ’ἀγρίας τοῦτο, μὴ τῆς ἡμέρου, Τούτων ἀνὰ δραχμὰς δʹ. λιβάνουτε γʹ. ἴσοντε λιβάνῳ προσβαλεῖς τὸ Κρητικὸν Δίκταμνον, ἱκανῶς ξηρὸν ἀλλὰ πρόσφατον. ταὐτότε κυμίνου Θηβαϊκοῦ τοῦ σπέρματος. τὰ μὲν ἄλλα κόψας σῆθε λεπτῷ κοσκίνῳ, Μόνον δὲ τὸ ψύλλιον εἰς ὅλμον βαλὼν, Κόψον πολὺ πλέον, ἵνα λάβῃς ὅσον θέλῃς. ἅπαν γὰρ αὐτὸ λεπτὸν ἀδύνατον ποιεῖν. σκεύαζε δ’οὕτω, τὴν καλὴν στακτὴν βαλὼν Εἰς πλατυτέραν θυείαν, οἴνου παραχέων Λιπαροῦ Φαλερίνου τὸ μέτριον, λέαινέτε Ἐπ’ὀλίγον αὐτὰ, καὶ ὀποβάλσαμον τότε Μιγνὺς, δίϋγρον τοῦτο δ’ἐστὶ χρήσιμον, Παρεμπάσσωντε τὰ ξηρὰ πάντα μίγματα, Ἄφες δ’ὀλίγον συμπιεῖν τὸ φάρμακον, Τό,τε μέλι ζέσας, δὶς ἢ τρὶς αὐτῶν καταχέαι, Ἑνῶντε τὴν ἀντίδοτον ἀποθήσεις τότε, Εἰς πυξίδ’οἵαν εἶπον ἔμπροσθεν βραχὺ, Διδοὺς ὁμοίως κᾀπὶ τῶν αὐτῶν παθῶν. ἄλλη σφόδρα καλὴ πρὸς ἃ εἶπον πάνθ’ἁπλῶς. φασὶν δ’ἀμείνω τήνδε πρὸς τὰ πνεύματα Πολλοῖς χρόνοις λυποῦντα τὸν στόμαχον, ποιεῖν, Καὶ βορβορυγμοὺς τοὺς ἐνοχλουμένους ἀεὶ, Τῶν ἐντέρων, κώλουτε, καὶ τῆς γαστέρος. ποιεῖ δὲ καὶ γέρουσιν ὀξυωπίαν. τοῖς θηριοδήκτοις δ’ἐστὶ συμφορωτάτη. σκεύαζε δ’αὐτὴν, ταῦτ’ἔχων τὰ μίγματα. Κυρηναϊκοῦ τοῦ καλοῦ δραχμὴν ὀποῦ, Ἀκόρουτε καὶ φοῦ καστορίουτε καὶ ἀσάρου, Καὶ καρδαμώμου σπέρματος καὶ κόμμεως, Χυλοῦτ’ἀκακίας, τῆς ἀρίστης ἴρεως, Καθαροῦ σαγαπηνοῦ, ὑπερικοῦ τοῦ Κρητικοῦ, Τούτων ἑκάστου βʹ. δραχμὰς ῥεπέστερον, Ὀποβαλσάμουτε τοῦ διαυγοῦς γʹ. δραχμὰς, Ὀποβαλσάμῳ δὲ ταὐτὸ ψυλλίου βάρος, Λευκοῦτε πεπέρεως, πετροσελίνου, Κελτικῆς Στάχυόςτε νάρδου, μαλαβάθρου φύλλου νέου Αἰθιοπικοῦτε, καὶ κυμίνου σπέρματος, Ἀθαμαντικοῦ μήουτε, κἀμώμου καλοῦ, Μήκωνος, ὀπίου, γεντιανῆς καὶ βαλσάμου, Στήσας ἑκάστου δραχμὰς δʹ. σταθμῷ, Στύρακος σταγόνας δὲ εʹ. καὶ τριώβολον. κόστου δὲ λευκοῦ καὶ σεσέλεως, θλάσπεως, Κασίας μελαίνης εʹ. ἑκάστου βʹ. ὀβολοὺς, Σχοίνουτε, πολίου ἀνὰ εʹ. τριώβολον, Καὶ Κρητικοῦ δὲ ταὐτὸ, δικτάμνου πόας Ταύτης ἴσον, πρόσβαλλε σκορδίου σταθμόν. μακροῦ πεπέρεως καὶ λιβάνου καὶ Λημνίας Σμύρνης, γλυκυρρίζης, χαλβάνης, τερμινθίνης, Ξηροῦτε νήσσης αἵματος, τοῦ προσφάτου, Ὀποπάνακόςτε καὶ μαράθρου τοῦ σπέρματος, Ξηρῶν ῥόδων φύλλων, καὶ τῆς ὑποκιστίδος Χυλοῦ καλῶς γεγονότος, ἀγαρικοῦτ’ἴσα, Τοῦ Κρητικοῦ δαύκουτε καθαροῦ σπέρματος, Ἀνισαρίουτε σπέρματος, σκίγκουτ’ἴσον, Δὶς τρὶς ἑκάστου μίγματος βαλεῖς σταθμὸν, Καὶ ζιγγιβέρεωςτε τοῦ ξηροῦ καλῶς, Καὶ κινναμώμου καὶ κρόκου δὶς τέσσαρας, Μέλιτόςτε χρηστοῦ τὸν διπλοῦν πᾶσι σταθμὸν, Οἴνουτε Χίου τοῦ καλοῦ τὸ σύμμετρον. ἡ τοῦ Φαλερίνου ταὐτὸ τοῦ κεχρονισμένου. σκεύαζε δ’αὐτὴν, ὡς προεῖπον δεῖν ποιεῖν, Τὴν θηριακὴν ἀντίδοτον ἔμπροσθεν βραχὺ, Διδόναιθ’ὁμοίως πᾶσιν, ὡς ἐκείνην ἔφην. ἄλλη δι’αἱμάτων ἀντίδοτος, ἥν φασίν τινες Ποιεῖν ἄμεινον πρὸς τὰ δηλητήρια. ἔχει δὲ χηνὸς αἵματος ξηροῦ δύο, Καὶ τρεῖς χελώνης τῆς θαλασσίας δραχμὰς, Τὸ δ’αὐτὸ νήσσης, καὶ ἐρίφου γʹ. τὰς ἴσας. νήσσης δ’ἄμεινον αἷμα θηλείας δοκεῖ, Στακτῆς Ἀραβικῆς παχυτάτης δραχμὰς ιʹ. ναρδοστάχυόςτε τὰς ἴσας σμύρνης δραχμὰς, Καὶ κινναμώμου τοῦ καλοῦ δὶς τρεῖς δραχμάς. ῥόδων δὲ φύλλων ξηροτάτων δὶς τέσσαρας, Σχοίνου, λιβάνου, κόστου, μία ἑκάστου δραχμὴ, Καὶ τρεῖς ἀμώμου, πεπέρεως λευκοῦ τὰς ἴσας, Καὶ τοῦ μακροῦ δὲ πεπέρεως μίαν ἥμισυ, Κρόκου δὲ δώδεκα καὶ κασίας δὶς δʹ. ῥίζης τριφύλλου εʹ. πολίου τὰς ἴσας, Ὀποβαλσάμου τρεῖς, πετροσελίνου δʹ. ἀρκευθίδων τῶν λιπαρῶν, καὶ ἀκόρου δύο, Ῥᾶ Ποντικοῦ, μήουτε, δικτάμνου δύο, Τουτέστι ἀνὰ δύο, φοῦτε τὰς αὐτὰς βʹ. ἀμμωνιακοῦτε ὡσαύτως θυμιάματος, Μαράθρου δραχμὰς βʹ. ἀγαρικοῦ δύο ἥμισυ, Τρεῖς τοῦ πετραίου πηγάνου, δαύκου βʹ. Ἀνισαρίουτε καὶ ἀσάρου μίαν ἥμισυ, Ἴσον δὲ τούτοις, τούτοις πάλιν Ἴσον κυμίνου Θηβαϊκοῦ τοῦ σπέρματος, Καὶ γʹ. δραχμὰς βουνιάδος ἀγρίας σπέρματος, Τούτοις προσαπόδος εʹ. σκορδίου δραχμὰς, Τὸ Κρητικὸν δ’ἄμεινον ὡς προείπομεν, Μέλιτος ἅπασι τοῦ καλοῦ διπλοῦν σταθμόν. ἅπαντα λεπτὰ λεῖα τὰ προειρημένα, Ἑφθῷτε τῷ μέλιτι δεύσας ἀποτίθου.

περὶ Χάρμου ἀντιδότου. μετὰ τὰς γεγραμμένας ἀντιδότους ἄχρι δεῦρο, τὴν Μιθριδάτειον ἔγραψεν ὁ Δαμοκράτης, ἣν ὀλίγον ἔμπροσθεν ἐγὼ παρεθέμην. ὑπερβὰς οὖν αὐτὴν, ὡς ἐφεξῆς γράφει, προσθήσω. ἀντίδοτος, ἥν φασιν οἱ νεώτεροι Χάρμην, Θεραπεύει δὲ διαθέσεις κεχρονισμένας, Ἃς οὐδὲν ὠφέλησεν ἕτερα φάρμακα. σμύρνης ἔχει δὲ τῆς καλῆς, ὀποβαλσάμου, Ὑποκιστίδος χυλοῦτε, καὶ λιβάνου καλοῦ, Ὀποπάνακος καθαροῦτε καὶ νέου κρόκου, Τούτων ἑκάστου μίγματος δυοκαίδεκα. κόστου δὲ λευκοῦ, καστορίουτε Ποντικοῦ, Τερμινθίνηςτε τῆς καθαρᾶς, σχοίνουτ’ἴσον. πάλιν δ’ἑκάστου μίγματος δὶς δʹ. βότρυόςτ’ἀμώμου τέσσαρας, πολίουτ’ἴσας, Καὶ κινναμώμου δʹ. πάλιν καλοῦ, Δὶς τρεῖς δὲ δαύκου Κρητικοῦ τοῦ σπέρματος. τὸ δ’αὐτὸ δαύκῳ σεσέλεως τοῦ σπέρματος, Κασσίας δὲ κιρρᾶς τοῦ φλοιοῦ δὶς θʹ. καὶ πετροσελίνου σπέρματος ταύταις ἴσας, Μακροῦ πεπέρεως προσφάτου δὶς δώδεκα, Τὸ γὰρ παλαιὸν σητοκόπον εὑρίσκεται, Λευκοῦ ιʹ. δραχμὰς, χαλβάνης καθαρᾶς ιʹ. ναρδοστάχυος δὲ τῆς καλῆς ἑκκαίδεκα, Δὶς δ’εἴκοσιν καὶ εʹ. Κρητικοῦ καλοῦ, Καὶ προσφάτου. πρόσβαλλε σκορδίου δραχμὰς, Τριπλοῦν δὲ μέλιτος πᾶσι τοῖς ξηροῖς βάρος. σκεύαζε δ’αὐτὸν, ὡς προεῖπον σκευάσαι. ἄλλαςτε δυνάμεις καὶ διδοὺς αὕτως πάλιν. ταύτην ἐπώλει Χάρμης Ἀττικῶν δραχμῶν Δὶς πεντακοσίων, οὐ δ’ὅλην λίτραν διδοὺς, Ἐδόκει δὲ χάριτα διδόναι τοῖς ὠνουμένοις. τῶν δ’ἀξιοπίστων Χάρμιδός τις γνωρίμων Ταύτην ἔφασκε τὴν γραφὴν δοκιμωτάτην. νάρδου δὶς ηʹ. στάχυος Ἰνδικῆς δραχμὰς, Σμύρνηςτε χρηστῆς, καὶ ὀπίου, μηκωνείου, Ὑποκιστίδοςτε χυλοῦ, καὶ ὀποβαλσάμου, Ὀποπάνακόςτε τοῦ καθαροῦ καὶ προσφάτου, Καὶ καστορίου καὶ λιβάνου πάντων ἴσα, Ἀνὰ ιβʹ. δραχμὰς δʹ. δὲ χαλβάνης, Τερμινθίνηςτε εʹ. πολίου τέσσαρας, Κασίας μελαίνης τῆς καλῆς δὶς δʹ. λευκοῦ πεπέρεως βʹ. δραχμὰς, μακροῦ μίαν Καὶ βʹ. ὀβολούς. κρόκου δὲ κωρυκίου ιʹ. μίαν δὲ πρὸς ταύταισι καὶ δὶς δʹ. σχοίνου πάνυ λεπτῆς, τοῦτ’ἀμώμου δʹ. Βʹ. κινναμώμου, σεσέλεως δραχμὰς δύο, Δαύκου δραχμὰς στʹ. σπέρματος τοῦ Κρητικοῦ, Καὶ πετροσελίνου σπέρματος δὶς θʹ. δὶς δʹ. δὲ σκορδίου κόμης 𐅻 ζʹ. βδέλλης ὄνυχόςτε τῆς διαυγοῦς, ὡς δραχμὴν, Μέλιτόςτε λίτρας εʹ. καὶ μικρῷ πλέον. σκεύαζε δ’οὕτω, προδιαλύσας τοὺς ὀποὺς Τῷ μέλιτι θερμῷ, τήντε ῥητίνην καλῶς, Τὰ ξηρὰ πάντα παραπλάσσεις σεσησμένα. οὕτω δ’ἑνώσας πάντα, δώσεις Ποντικοῦ Καρύου τὸ μέγεθος τοῖς ὀφείλουσιν λαβεῖν.

περὶ τινων ἄλλων ἀντιδότων τῶν ὑπὸ Δαμοκράτους γεγραμμένον. ἐφεκτικὴν δ’ἀντίδοτον εἰ βούλει ποιεῖν, Αἵματος ἄνωτε καὶ κάτω πολλοῦ φορᾶς, Ταύτην ἀκριβῶς σκευάσας, ἕξεις καλὴν, Κρόκου Κιλικίου τοῦ καλοῦ καὶ προσφάτου Δραχμὰς δὶς ηʹ. καὶ ὀπίου, μηκωνείου, Λιβάνουτ’ἀτμήτου, καὶ καθαρᾶς σμύρνης ἴσον, Πάντων ἑκάστου πάλιν δραχμὰς ιστʹ. φλοιοῦ δὲ ῥίζης μανδραγόρου δὶς δʹ. ὑοσκυάμου δὲ σπέρματος τρὶς δʹ. τρὶς βʹ. 𐅻 μηκωναρίου τοῦ σπέρματος, Τρεῖς κινναμώμου τοῦ καλοῦ δραχμὰς σταθμῷ. Ῥοὸς δὲ χυλοῦ Παταρικῆς ἢ Συριακῆς Τρὶς κεʹ. καὶ ἑτέρας δὶς δώδεκα. σκεύαζε δ’οὕτω, τὸν κρόκον κεκαθαρμένον, Ἀπόβρεχε δ’οἴνῳ Κρητικῷ λευκῷ γλυκεῖ Δίδου βʹ. τὸ πλεῖστον ἡμέρας. ὅταν ἴδῃς Μαλακὸν ἄγαν εὔτριπτον εἰς ἴγδην βαλὼν, Λέαινε τῷ δοίδυκι, καὶ λεῖον ποιῶν, Πρόσβαλλε τὸν ὀπὸν τὸν λίβανον τῇ σμύρνῃ. χυλὸν δ’ὁμοίως κατ’ἰδίαν τὸν τῆς ῥοὸς Διάβρεχε καὶ πρόσβαλλε τοῖς εἰρημένοις, Καὶ πάλιν ἑνώσας λεῖα καὶ σεσησμένα, Τὰ λοιπὰ πάντα προσαποδώσεις μίγματα, Ἑφθοῦτε μέλιτος Ἀττικοῦ βαλὼν βραχὺ, Πάλιν λέανον ὡς γενέσθ’ἓν φάρμακον Ἐκ τῆς θυΐδος εἰς ὑαλοῦν ἀγγεῖον, Καὶ κασσιτερινὸν μετακόμιζ’ἡνωμένον. δίδου δὲ τοῖς μὲν ἐκ φάρυγγος καὶ γαστέρος Ἀνάγουσι καὶ θώρακος, ἔτι δὲ πνεύμονος, Τριωβόλου τὸ πλῆθος, ἢ μικρῷ πλέον Ἐν τρισὶ κυάθοις κράματος κεκραμένου. οἴνου δ’ἀπὸ μύρτων καὶ ὕδατος τοῦ ἀπολύτου, Τοῖς ἀπὸ νεφρῶν οὐροῦσιν, ἢ τῆς κύστεως, Δίδου λέοντε φαρμάκου κεκραμένου. ἀπὸ νήστεωςτε καταφέρει καὶ κώλου, Λεπτῶντε πάντων ἐντέρων τῆςθ’ὑστέρας, Τοῦ φαρμάκου δίδου μὲν ὡς δραχμὴν μίαν. δι’ὕδατος ὀμβρίου δὲ τοῖς πυρουμένοις, Ἀπυρέτοισι δὲ καὶ διὰ κράματος δίδου, Ἤτοι δ’ἀπὸ μύρτων ἢ γλυκέος τοῦ Κρητικοῦ. εἰ δέ τις ἔχειν βούλοιτο μὴ πολυμίγματον Ἀντίδοτον, ἀλλ’ἔχουσαν ὀλίγα μίγματα Ταύτην ἀκριβῶς σκευάσας, ἕξει καλὴν Πρὸς τοὺς ἀτόνους στομάχουςτε καὶ ἀνορέκτους, Καὶ τοὺς καχέκτας, τούςτ’ἀπεπτοῦντας ταχύ. πρὸς πάνθ’ἁπλῶς ἀλγήματα, κύτος Κεχρονισμένοντε καὶ κατασκευὴν ἔχον. ταύτῃ Τιβέριον τὸν Σεβαστὸν χρώμενον Λέγουσιν, ἄλλην μὴ πεπωκέναι ποτέ. ἔχει δὲ μέλανος πεπέρεως πέντ’οὐγγίας, Κροκομάγματος ιεʹ. καὶ ῥόδων ιʹ. σεσησμένα ταῦτα πάντα μέλιτ’ἀναλάμβανε. ἄλλη ποιοῦσα ταὐτὰ τῇ προγεγραμμένῃ. ἔχει δὲ ῥόδων μὲν οὐγγίας δὶς τέσσαρας, Κεκομμένα ταῦτα πάντα καὶ σεσησμένα, Ἀναλάμβαν’ἑφθῷ μέλιτι τῷ λίαν καλῷ, Δίδου καρύου τὸ μέγεθος τοῦ Ποντικοῦ, Μετ’οἰνομέλιτος ἢ μελικράτου προσφάτου, Ἑψημένου καλῶςτε καὶ πεφρισμένου, Τοῖς θηριοδήκτοις, ἢ τὰ δηλητήρια Πεπωκόσι προσένεγκε καρύου τὸ μέγεθος Τοῦ βασιλικοῦ μεθ’ἑπτὰ κυάθων κράματος. ῥοδίδος σκευή. αὐτὸν δ’ἐπιμελῶς δεῖ σε προδιασκευάσαι Οὕτως ἀκριβῶς, ῥόδα λαβὼν τὰ πρόσφατα, Τὸ φύλλον αὐτῶν ἐν σκιαῖς δυσὶ ψῦξον, Ἢ τρισὶ τὸ πλεῖστον ἡμέραις, σήσαςτε τρεῖς Λίτρας, ἀπ’αὐτῶν ὅλμῳ κόπτων συμμέτρως, Σχοίνουτε 𐅻 κʹ. εὖ κεκομμένης Σμύρνης δέκα δύο καὶ κρόκου δὶς τέσσαρας, Προσέμπασον, καὶ κόπτε πάνθ’ὁμοῦ πάλιν Ποιῶν κυκλίσκους εὐμεγέθεις, ψῦξον καλῶς, Οὕτωθ’ὅσον δεῖ λάμβαν’εἰς τὸ φάρμακον. κροκομάγματος σκευασία. κροκόμαγμα δ’εἰ βούλοιο καλὸν ἔχειν ἄγαν, Σκεύαζ’ἐπιμελῶς, Κιλικίου κρόκου δραχμὰς Ἑκατὸν καταμίξεις, τῆς λιπαρᾶς σμύρνης ἅμα Δὶς κεʹ. καὶ ῥόδων ξηρῶν ἴσον, Ἀμύλου δὲ νʹ. λευκοῦ κόμμεως Ἴσας, ἄμυλον δὲ κόπτε σήσας ἐπιμελῶς, Πρόσβαλλ’ἀθάλασσον οἶνον εὐώδη βραχὺν, Δεύσας ἐπιμελῶς κᾀναπλάσας ψῦξον κύκλους Καὶ χρῶ δεόντως ὡς καλῷ κροκομάγματι. ἀντίδοτος προγνωστική. προγνωστικὴν δ’ἀντίδοτον οὕτως σκευάσεις, Ἣν οἱ προλαβόντες ἂν λάβωσι θανάσιμον, Ἐμέσουσιν αὐτὸν μετὰ τροφῆς παραυτίκα. οἱ δ’εὐλαβῶς ἔχοντες ὡς εἰληφότες, Ἂν ἐπιλάβωσιν, ἐξεμοῦσι τὴν τροφὴν, Σὺν τῷ μετ’αὐτῆς καταποθέντι φαρμάκῳ. ὁ δὲ μηδὲν ἄτοπον, μη δὲ δηλητήριον, Συγκαταπεπωκὼς τοῖς δοθεῖσι σιτίοις, Οὐ ναυτιάσει, καὶ καθέξει τὴν τροφήν. ποιεῖ δὲ ταὐτὸ φάρμακον καὶ πρὸς πόνους Πλευρῶν, μεταφρένων, κύστεως, καὶ τῶν νεφρῶν, Ἐπέχειτ’ἀλύπως αἷμα φερόμενον πολὺ Ὅθεν ἂν ἐκφέρεται τοῦτο, κᾂν ἐκ πνεύμονος. σκεύαζε δ’οὕτω, Λημνίαν · ἔχων καλὴν Ἀπαραχάρακτον, τὴν ὁμοίως εἰρημένην Στήσας ἀπ’αὐτῆς δύ’ὀβολοὺς δραχμὴν μίαν, Ἀρκευθίδωντε τῶν λιπαρῶν 𐅻 βʹ. λέαιν’ἐπὶ πολὺ, παραχέων χρηστὸν βραχὺ Ἔλαιον ἱκανῶς πρόσφατόντε καὶ γλυκὺ, Διὰ μελικράτου δ’ὡς καρύου τοῦ Ποντικοῦ Μέγεθος προσοίσεις, οἷς ἐχρῆν σε προσφέρειν. ἐπέχειν δὲ πλεῖον αἷμα φερόμενον θέλων, Δι’ὀξυμέλιτος σφόδρα καθέφθου πρόσφερε.

περὶ τῶν ὑπ’Ἀσκληπιάδου γεγραμμένων κατὰ τὸ εʹ. τῶν ἐντὸς παθῶν, ὃ Ἄσωνος ἐπιγράφεται. καλεῖν μὲν οὖν ἔθος ἐστὶ τοῖς νεωτέροις ἰατροῖς ἀντιδότους οὐ μόνον ὅσα πρὸς τὰ θανάσιμα φάρμακα διδόασιν, ἀλλὰ καὶ πρὸς τὰ τῶν ἰοβόλων θηρίων δήγματα, καὶ προσέτι πάθη, καὶ μάλιστα χρόνια, κατά τι τῶν σπλαγχνῶν, ἢ ἀποστήματα. τεμὼν δὲ τριχῇ τὴν διδασκαλίαν αὐτῶν ὁ Ἀσκλη πιάδης, πρῶτα μὲν ἔγραψεν ὅσα φησὶ τοῖς κατὰ περίοδον πυρέττουσιν ἁρμόττειν, ἅμα τῷ καὶ συγχρίσματά τινα, καλεῖ γὰρ οὕτως αὐτὸς, ἐφεξῆς προσγράψαι. ταῦτα μὲν οὖν ἅπαντα ληξιφάρμακα καὶ ληξιπύρετα καλεῖ · τὸ δὲ βʹ. γένος αὐτῶν θηριακὰ φάρμακα, πρὸς λυσσοδήκτους καὶ σκορπιοδήκτους, ἔτιτε τούςτε ὑπὸ φαλαγγίων δεδηγμένους καὶ ἐχιδνῶν. τὸ δὲ τρίτον γένος τῶν φαρμάκων διχῇ τεμὼν καὶ αὐτὸ, τὸ μὲν ἕτερον αὐτῶν πρὸς τοὺς τὰ θανάσιμα πεπωκότας ὀνομάζει. τὸ δ’ἕτερον προφυλακτικὸν θανασίμων φαρμάκων, οὐ κατὰ τὴν αὐτὴν τάξιν τῷ Ἀνδρομάχῳ τὴν διδασκαλίαν ποιησάμενος. ἐκεῖνος γὰρ, ὡς ἐν ἀρχῇ τοῦδε τοῦ γράμματος εἴρηταί μοι κατὰ τὴν ἐντὸς ἐπιγραφομένην τῶν βιβλίων αὐτοῦ, προτάξας ἀντίδοτα πάντα, ἐφεξῆς γράφει τὰ πινόμενα φάρμακα πρὸς ἡντιναοῦν διάθεσιν, οὐ μόνον ἀποστημάτων ἢ θανασίμων φαρμάκων ἢ θηρίων ἰοβόλων, ἀλλὰ κᾂν ἔμβρυον ἐκβαλεῖν δέῃ, καὶ τοῦτο τὸ φάρμακον ἀντίδοτον ὀνομάζει, καὶ πρὸς σπάσματα καὶ ῥήγματα, καὶ συνελόντι φάναι πρὸς πάντα τὰ ἐντὸς πάθη, περὶ ὅ τι ἂν ᾖ μέρος τοῦ σώματος ἡ σύστασις αὐτῶν γεγενημένη. τὰ δὲ πρὸς τὰ τοιαῦτα πάθη πινόμενα φάρμακα καὶ ποτίσματα κέκληκεν ὁ Ἀσκληπιάδης ἐν τῷ δʹ. τῶν Ἄσωνος κατὰ τὸ τέλος αὐτὰ γεγραφώς. ὑστάτας μὲν οὖν ἔγραψεν ἀντιδότους ὁ Ἀσκληπιάδης ἐπὶ τῇ τελευτῇ τοῦ ἐν Ἄσωνος, τὰ πρὸς τοὺς τὰ θανάσιμα πεπωκότας, ἢ προφυλακτικὰ τοῦ μηδὲν παθεῖν ὧν πίωσιν. ἐγὼ δὲ πρώτας ἐνταῦθα γράψαι τὰς τοιαύτας ἔγνωκα, διάτε τὴν πρὸς τὰς γεγραμμένας κοινωνίαν καὶ ὅτι πολύχρηστοι τυγχάνουσιν οὖσαι. καὶ γὰρ πρὸς τὰ ἀποστήματα καθ’ὁτιοῦν σπλάγχνον καὶ μόριον ἐν τῷ βάθει κείμενον ἁρμόττουσι, καὶ πρὸς ἀτονίαν αὐτῶν ἔνιαι, καὶ πρὸς κακοχυμίαν, ἀνωδυνίαντε καὶ πέψιν ἀπέπτων χυμῶν, δι’ὅλης τῆς ἐπιφανείας κένωσιν ἄδηλον αἰσθήσει, καθάπερ καὶ τὰς αἰσθητὰς, δι’οὔρων καὶ διαχωρημάτων καὶ πτυσμάτων, ὅσα μετὰ βηχὸς συνεκκαθαίρει πνεύμονάτε καὶ θώρακα. τὰ πλεῖστα δ’αὐτῶν καὶ λεπτύνειν τοὺς παχεῖς χυμοὺς πέφυκε, καὶ τέμνειν, καὶ ἀπορρύπτειν τοὺς γλίσχρους, οἷς ἕπεται καὶ τὸ τὰς ἐμφράξεις ὠφελεῖν, ὅσαι συνεχῶς μὲν καθ’ἧπαρ εἰώθασι γίνεσθαι, συνίστανται δὲ καὶ κατὰ τὰ ἄλλα σπλάγχνα καὶ μόρια · σκοπὸς γὰρ ἐπ’αὐτῶν ἐστι λεπτῦναίτε καὶ ἀπορρύψαι τοὺς χυμοὺς, ἀναστομῶσαίτε τὰ πεφραγμένα τῶν ἀγγείων πέρατα.

Ἀσκληπιάδου πρὸς τοὺς τὰ θανάσιμα πεπωκότας, ὡς αὐτὸς ἔγραψε κατὰ λέξιν. πρὸς τὸν τῆς μήκωνος ὀπόν. τοῖς μὲν οὖν τὸν τῆς μήκωνος ὀπὸν πιοῦσι συνοίσει ὑδρέλαιον συνεχῶς θερμὸν διδόμενον πίνειν, καὶ ἀναγκαζόμενον ἐμεῖσθαι · ἢ θερμὸν ὕδωρ μετ’ὀξυμέλιτος διδόναι καὶ ἀναγκάζειν ἐμεῖν · ἁρμόσει δὲ καὶ διὰ κλυστῆρος τὴν κοιλίαν κενοῦν. πρὸς μηκώνιον. τοῖς δὲ μηκώνειον πίνουσιν ἁρμόσει ἄκρατον πολὺ παραχρῆμα διδόμενον · ἢ πέπερι μετὰ οἴνου, ἢ κάρδαμον, ἢ καρδάμωμον. ἁρμόσει δὲ καὶ γάλα πίνειν ὄνειον ἢ βόειον καὶ τὰ περὶ τὴν κοιλίαν καταπλάττειν ἀλεύρῳ πυρίνῳ ἢ κριθίνῳ ἡψημένῳ μετ’οἴνου, καὶ κλύσμασι χρῆσθαι πρᾳοτέροις. πρὸς ἀκόνιτον. τοῖς δὲ ἀκόνιτον πεπωκόσι βοηθεῖ ποθὲν πήγανον χειροπληθὲς, λεανθὲν μὲν μετ’οἴνου ἀκράτου, καὶ ζωμὸς ὄρνιθος λιπαρᾶς. πρὸς ὑοσκύαμον. τοῖς δὲ τὸν ὑοσκύαμον πιοῦσι συμφέρει γάλα ποθὲν, μάλιστα μὲν ὄνειον · εἰ δὲ μὴ, ἄλλο κατ’ἰδίαν, καὶ μετὰ μελικράτου θερμοῦ. πρὸς κορίανον. τοῖς δὲ χλωρὸν κορίανον πιοῦσι · βοηθεῖ οἶνος ἄκρατος ποθεὶς καὶ ζωμὸς ὄρνιθος λιπαρᾶς. πρὸς λαγωὸν θαλάττιον. τοῖς δὲ λαγωὸν θαλάττιον εἰληφόσιν ἁρμόττει γάλα πίνειν μάλιστα μὲν ὄνειον, εἰ δὲ μή γε, βόειον ἢ αἴγειον. δοτέον δὲ καὶ καυλοὺς μαλάχης ἡψημένους ἐπιμελῶς φαγεῖν, ἢ γλήχωνος χειροπληθοῦς μετὰ γλυκέος τριβέντος πίνειν, ἢ κυκλαμίνου ῥίζαν τριβεῖσαν μετ’οἴνου · ἢ κεδρίας ὅσον ὀβολοῦ ἑνὸς, ἢ ἡμιώβολον, γλυκεῖ διεὶς πότιζε. πρὸς τοξικόν. τοῖς δὲ τοξικὸν πιοῦσι βοηθεῖ οἶνος πινόμενος γλυκύς, καὶ ῥόδινον ἔλαιον, καὶ αἴγειον αἷμα, καὶ σπέρμα βουνιάδος τριβὲν μετ’οἴνου. πρὸς ἐφήμερον. τοῖς δ’ἐφήμερον πεπωκόσι βοηθεῖ χυλὸς πολυγόνου, ἢ ἀρνογλώσσου, ἢ ὀριγάνου, ἢ θύμου μέρος τι οἴνῳ διαλυθέν. πρὸς δορύκνιον. τοῖς δὲ δορύκνιον πιοῦσι βοηθεῖ γάλα βόειον ποθὲν, καὶ γλυκὺ, καὶ ζωμὸς κογχυλίων. πρὸς μύκητας. τοῖς δὲ μύκητας εἰληφόσι δοτέον ῥαφάνους ὠμὰς, ὥστε πλείστας ἐσθίειν · δοτέον καὶ οἶνον ἄκρατον καὶ κονίας κληματίνης ἀφέψημα, καὶ νίτρον λεανθὲν μετ’ὄξους · ἢ τρύγα οἴνου καύσας, καὶ τρίψας μεθ’ὕδατος δίδου πίνειν · ἢ ἀψίνθιον μετ’ὄξους · ἢ πήγανον λεῖον μετ’ὄξους · ποιεῖ δὲ καὶ αὐτὸ καθ’αὑτὸ ἐσθιόμενον πήγανον. πρὸς ἰξίαν. τοῖς δὲ τὴν ἰξίαν πεπωκόσι βοηθεῖ ἀψίνθιον πινόμενον μετ’οἴνου καὶ καστορίου καὶ πηγάνου. συνοίσει δὲ καὶ ὀξύμελι ποτίζειν, καὶ ἀναγκάζειν ἐμεῖν. συνοίσει δὲ καὶ ὀρίγανον μετ’οἴνου. χρηστέον δὲ καὶ τῇ τοιαύτῃ σκευασίᾳ. Ϛ πηγάνου 𐅻 στʹ. ῥητίνης 𐅻 δʹ. καστορίου 𐅻 βʹ. χαμαιλέοντος κοχλιάρια γʹ. ταῦτα τρίψας καὶ ὄξει θερμῷ διαλύσας, πότιζε. πρὸς βουπρήστην. τοῖς δὲ τὴν βουπρήστην πεπωκόσι βοηθεῖ διδόναι γλυκὺ πλεῖστον πίνειν, καὶ ἀναγκάζειν ἐμεῖν · καὶ ζωμὸν καθηψημένον κρεῶν ὑῶν, καὶ θερμὸν γάλα, καὶ οὐκ ἄπληστα φαγεῖν. καὶ ἀφέψημα σύκων δοτέον πίνειν, ἢ νίτρου ἐρυθροῦ 𐅻 δʹ. λεάνας καὶ μίξας ὕδατι δίδου πίνειν. πρὸς κανθαρίδας. τοῖς δὲ κανθαρίδας πεπωκόσι συμφέρει πίνειν γλυκὺ μετ’ἐλαίου, καὶ στέαρ ἑφθὸν ὕδατι διηθημένον, καὶ ἀναγκάζειν ἐμεῖν. συμφέρει δὲ καὶ γάλακτι πολλῷ ποτίζειν καὶ κώνους πλείονας τρώγειν · ἢ κώνους πλείστας τρίψας μετὰ μελικράτου δίδου πίνειν · ἢ πήγανον λεάνας καὶ ἰρίνῳ μύρῳ μίξας δίδου πίνειν · ἢ τῶν κανθαρίδων τὰ πτερὰ καὶ τοὺς πόδας σὺν μέλιτι τρίψας ἐκλείχειν δίδου. πρὸς ψίλωθρον. τοῖς δὲ ψίλωθρον πιοῦσι συμφέρει θερμῷ ἐλαίῳ ποτίζειν, καὶ ἀναγκάζειν ἐμεῖν. συνοίσει δὲ καὶ γάλα αἴγειον πίνειν, καὶ μαλάχης ἑφθῆς χυλὸν μετὰ μελικράτου θερμοῦ, ἢ μετ’ἐλαίου · ἢ ἰσχάδων ἀφέψημα μετ’ἐλαίου, ἢ σήσαμον μετ’οἴνου τρίψας δίδου πίνειν · ἢ κάρυα βασιλικὰ εʹ. λεάνας μετ’ἐλαίου δίδου · ἢ τέφρας κληματίνης ἀπήθημα δίδου πίνειν. πρὸς λιθάργυρον. τοῖς δὲ λιθάργυρον πεπωκόσι βοηθεῖ πέπερι, σέλινον, σμύρνα μετ’οἴνου λειωθέντα, καὶ πινόμενα. πρὸς γύψον. τοῖς δὲ γύψον πιοῦσι δοτέον πίνειν τέφρας κληματίνης ἀπήθημα, καὶ θύμον μεθ’ὕδατος τριβέντα. πρὸς τὰς τοῦ γάλακτος ἐκθρομβώσεις. πρὸς δὲ τὰς τοῦ γάλακτος ἐκθρομβώσεις συμφέρει ποτίζειν ὄξος · διδόναι δὲ χρὴ καὶ πητυὰν μεθ’ὕδατος κρηναίου ἢ σιλφίου καὶ θείου τὸ ἴσον λεανθέντα μετ’ὀξυκράτου διδόναι πίνειν. πρὸς ταύρειον αἷμα. τοῖς δὲ ταύρειον αἷμα πιοῦσι συμφέρει ὄξος θερμὸν διδόναι πίνειν, καὶ ἀναγκάζειν ἐμεῖν, ἢ σιλφίου ὀβολὸν, ἢ ἡμιωβόλιον, ἢ νίτρου διώβολον, διέντας οἴνῳ διδόναι πίνειν, ἢ ἐρινεῶν καρπὸν τρίψας μετ’ὄξους δίδου. ἁρμόσει δὲ καὶ τὴν κοιλίαν κενοῦν, καὶ θερμίνῳ ἀλεύρῳ, καὶ νίτρῳ, ἡψημένοις μετ’ὀξυμέλιτος καταπλάττειν. πρὸς βδέλλας. τοῖς δὲ βδέλλας καταπιοῦσιν οἱ μὲν ἅλμην παρῄνουν πίνειν, οἱ δὲ χιόνα. ὁ δὲ Ἀσκληπιάδης λούειν παρῄνει, καὶ σπόγγον ἁπαλὸν ψυχρῷ δεύσαντα καθιέναι, ὥστε τὴν βδέλλαν ἐπιβᾶσαν τῷ σπόγγῳ κομίζεσθαι, καὶ ἔπειτα φακῆς χυλὸν ἐδίδου · τοὺς δὲ ἔξωθεν τοῦ τραχήλου τόπους τοῖς ψύχουσι καταπλάττειν παρῄνει. ὁ δὲ Μῦς Ἀπολλώνιος ὄξει δριμυτάτῳ ἐπότιζε, καὶ μετὰ ἅλμης ἐχρήσατο. ὁ δὲ χιόνα θερμήνας καὶ λύσας ἐχρήσατο, καὶ τοῖς κατὰ καιρὸν τὴν κοιλίαν καθαίρουσιν, ἐδεστοῖςτε καὶ ποτοῖς, πρὸς τὴν τῶν βδελλῶν ἔκκρισιν · συγκαταφέρεσθαι γάρ φησι ταύτας τοῖς κατὰ τὴν κοιλίαν ἐκκρινομένοις πολλάκις. πρὸς ψιμύθιον. τοῖς δὲ ψιμύθιον πιοῦσι συνοίσει ἐλαίῳ θερμῷ ποτίζεσθαι καὶ ἀναγκάζειν ἐμέσαι. συνοίσει δὲ καὶ γλυκὺ καὶ θερμὸν ποτίζεσθαι ὕδωρ, καὶ ἀναγκάζειν ἐμεῖν. συνοίσει δὲ καὶ γάλα ὄνειον πίνειν διδόναι, καὶ μαλάχης ἑφθῆς χυλὸν, καὶ μελίκρατον θερμὸν, μετ’ἐλαίου ἀνακόψας δίδου πίνειν · ἢ ἀφέψημα ἰσχάδων μετ’ἄλλων δίδου πίνειν, κάρυα βασιλικὰ εʹ. λεάνας μετ’ἐλαίου, δίδου πίνειν · ἢ τέφρας κληματίνης ἀπήθημα δίδου. καὶ περὶ μὲν τῶν ἁπλῶν θανασίμων ἐπὶ τοσοῦτον εἰρήσθω. περὶ δὲ τῶν συνθέτων λεχθήσεται. ἐκτίθεσθαι δὲ τὰς τούτων σκευασίας μοχθηρόν μοι δοκεῖ, καίπερ πολλῶν ἐπιχειρησάντων ταῖς τούτων συγγραφαῖς, ὧς ἐστιν Ὀρφεὺς ὁ ἐπικληθεὶς Θεολόγος καὶ Ὦρος ὁ Μενδήσιος ὁ νεώτερος καὶ Ἡλιόδωρος ὁ Ἀθηναῖος τραγῳδιῶν ποιητὴς, καὶ Ἄρατος, καὶ ἄλλοι τινὲς τῶν τοιούτων συγγραφεῖς. τούτους μὲν οὖν ἄν τις θαυμάσειεν ἐμμέτρως ἐπιχειρήσαντας ταῖς περὶ τούτων πραγματείαις · μέμψαιτο δ’ἂν εὐλόγως διὰ τὰ πράγματα. διδάσκειν γὰρ μᾶλλόν ἐστι καὶ προσάγειν τοὺς βουλομένους ἐπὶ κακῷ, τὸ πλησίον ἐπιχειρεῖν ταῖς τούτων σκευασίαις. οἱ γοῦν τῶν καλῶν τούτων ποιημάτων συγγραφεῖς τὴν παρὰ τοῖς πολλοῖς εὐλαβούμενοι καταδρομὴν, ἐναρχόμενοι τῆς τούτων παραδόσεως, τοὺς ἐντευξομένους πείθειν ἐπιχειροῦσιν ὡς οὐκ ἂν εἴησαν φαῦλοι τὸ ἦθος, οὐ δὲ τῶν τοιούτων φθοροποιῶν διδάσκαλοι, ὥσπερ καὶ Ἡλιόδωρον ἐν τοῖς πρὸς Νικόμαχον ἀπολυτικοῖς ἐναρχόμενόν ἐστιν εὑρεῖν οὕτω γράφοντα. οὐ μὰ τὸν ἐν Τρίκκῃ πρηὺν θεὸν, οὐ μὰ τὸν ὑψοῦ Ἠέλιον σπείροντα θεοῖς φαεσίμβροτον αἴγλην, Οὐ μὰ θεῶν σκηπτοῦχον, ὑπερμενέα Κρονίωνα. οὔτε μέ τις δώροισι παρήγαγεν, οὔθ’ὑπ’ἀνάγκης, Οὔτε χάριν φιλίης ἑτέρῳ κακὰ νεῖμαι ὑπέστην. ἀλλ’ὁσίας μὲν χεῖρας ἐς ἠέρα λαμπρὸν ἀείρω, Καὶ κακίης ἀμόλυντον ἔχω κατὰ πάντα λογισμόν. ἐκ τῶν λεγομένων πείθειν ἐπιχειροῦσι τοὺς ἐντευξομένους ταῖς τοιαύταις πραγματείαις, τὴν παρὰ τοῖς πολλοῖς καταδρομὴν εὐλαβούμενοι. ἀλλ’οὐ δέ ἐστιν εἰπεῖν ὅτι διὰ τοῦτο χρὴ τὰς τῶν τοιούτων θανασίμων φαρμάκων σκευασίας εἰδέναι, πρὸς εὐχερῆ εὕρεσιν τοῦ βοηθηθῆναι τοῖς δυναμένοις · τοῦτο γάρ ἐστι ψεῦδος. ὁ γὰρ δυνάμενος τοῖς ὑπὸ τῶν ἁπλῶν θανασίμων βλαπτομένοις βοηθεῖν, ἕκαστον τῶν κατὰ μέρος ἐπὶ συμβαινόντων ἐποπτεύων, οὗτος ἂν εἴη ἄριστος προστάτης, καὶ τῶν ὑπὸ τῶν συνθέτων βλαπτομένων, εὐμηχάνως ἐκλαμβάνων ἕκαστον τῶν κατὰ τὴν τῶν συμπτωμάτων ἐπιπλοκὴν ἐξεχόντων. ἀνιτέον δὲ ἐπὶ τὸ προκείμενον. ἀδήλων γὰρ ὄντων τῶν βρωθέντων ἢ πωθέντων δηλητηρίων, χρὴ ὑδρέλαιον θερμὸν διδόναι, καὶ πολὺ πίνειν, καὶ ἀναγκάζειν ἐμεῖν. χρήσιμον δ’ἂν εἴη καὶ τοὺς ὕπνους περιγράφειν, οὐ μὴν ἀλλὰ καὶ εἰς τὴν τούτων φυλακὴν χρηστέον ταῖς ὑπογεγραμμέναις σκευασίαις.

προφυλακτικὰ θανασίμων φαρμάκων Ἀπολλωνίου Μυός. Ϛ Πηγάνου φύλλα κʹ. κάρυα βασιλικὰ βʹ. ἁλὸς χόνδρον ἔνα, ἰσχάδας βʹ. ταῦτα νήστει ἐσθίειν δίδου, καὶ κωλύει βλάπτεσθαι ὑπὸ τῶν θανασίμων. ἀντίδοτος προφυλακτικὴ διδομένη. Ϛ Ἀρκευθίδος 𐅻 βʹ. Λημνίας σφραγῖδος 𐅻 βʹ. καὶ διώβολον. ταῦτα τρίψας καὶ ἀναλαβὼν ἐλαίῳ ἀποτίθου. ἐπὶ δὲ τῆς χρήσεως καρύου Ποντικοῦ τὸ μέγεθος μεθ’ὑδρομέλιτος καὶ κυάθων βʹ. προπίνειν. ταύτῃ Νικομήδης ὁ βασιλεὺς ἐχρῆτο, εἴ ποτε ὑπόπτους εἶχε τοὺς κεκληκότας. τὸ μὲν οὖν φάρμακον, μηδεμιᾶς τοιαύτης δυνάμεως ὑποκειμένης, κατὰ χώραν μένει. ἐπὰν δέ τι τῶν θανασίμων δοθῇ, ναυτίαν κινεῖ, καὶ ἐμεῖν ἀναγκάζει, ὥστε τὸ δοθὲν δηλητήριον ἐκκρίνεται τῇ ἀντιδότῳ. ἀντίδοτος Κωδίου Τούκου, ᾗ καὶ Κρατερὸς ἐχρήσατο. Ϛ Πρασίου, ἱερᾶς βοτάνης, πηγάνου ἀγρίου σπέρματος, σκορδίου, ῥάμνου ῥίζης τοῦ φλοιοῦ, ἑκάστου τὸ ἴσον, μέλιτι ἀναλάμβανε καὶ δίδου, πρὸς μὲν τὰ θηρία 𐅻 βʹ. μετ’οἴνου, πρὸς δὲ τὰ θανάσιμα μετ’οἰνομέλιτος καὶ ἐλαίου. ἄλλη, ὡς Ἀπελλῆς. Ϛ Δικτάμνου 𐅻 βʹ. πολίου 𐅻 γʹ. πεπέρεως μακροῦ 𐅻 δʹ. πηγάνου ἀγρίου 𐅻 στʹ. σκορδίου 𐅻 γʹ. μέλιτι ἀναλάμβανε καὶ δίδου, καθάπερ εἴρηται. ἔστι δὲ καὶ πλευριτικὴ ἀγαθὴ ὀβολῶν γʹ. διδομένη. ἔμμηνάτε γυναιξὶ κατάγει ὁλκῆς μιᾶς διδομένη. ἀντίδοτος Μιθριδάτου, ἀθανασία λεγομένη, πρὸς τὰ θανάσιμα τῶν φαρμάκων, καὶ παντὸς ἰοβόλου πληγήν. ποιεῖ στομαχικοῖς ἀποξύνουσιν τὴν τροφὴν, αἱμοπτυϊκοῖς, βήττουσι χρονίως, καὶ ἡπατικοῖς, καὶ σπληνικοῖς. ποιεῖ καὶ πρὸς τὰς περὶ κύστιν ἢ μήτρας διαθέσεις. τὰ δὲ τῆς σκευασίας ἔχει οὕτως. Ϛ Πεπέρεως λευκοῦ κόκκους μʹ. κόστου, μήου, ἀσάρου, ἀκόρου, δαύκου Κρητικοῦ σπέρματος, πετροσελίνου, νάρδου Ἰνδικῆς, λίθου νηστωρίτου ἀνὰ 𐅻 δʹ. κρόκου, σμύρνης ἀνὰ 𐅻 ηʹ. κινναμώμου, κασσίας ἀνὰ 𐅻 ιβʹ. μέλιτος Ἀττικοῦ ἑψημένου τὸ αὔταρκες. ἡ δόσις καρύου Ποντικοῦ τὸ μέγεθος μετ’οἰνομέλιτος κεκραμένου. ἐν ἄλλαις γραφαῖς οὕτως ἔχει. Ϛ Ναρδοστάχυος, πεπέρεως λευκοῦ, κόστου, μήου, ἀσάρου, ἀκόρου, ὀποβαλσάμου, δαύκου Κρητικοῦ σπέρματος, πετροσελίνου σπέρματος, ἑκάστου ἀνὰ 𐅻 δʹ. κρόκου, σμύρνης, σχοίνου ἄνθους ἀνὰ 𐅻 ηʹ. κινναμώμου, κασσίας ἀνὰ 𐅻 ιβʹ. μέλιτος τὸ ἀρκοῦν. ἐν ἄλλαις ἔχει οὕτως. Ϛ Πεπέρεως λευκοῦ κόκκους μʹ. κόστου, μήου, ἀκόρου, ἀγαρικοῦ, σκορδίου, δαύκου Κρητικοῦ, πετροσελίνου ἀνὰ 𐅻 δʹ. κρόκου, σμύρνης ἀνὰ 𐅻 ηʹ. κινναμώμου, κασσίας, σχοίνου ἄνθους ἀνὰ 𐅻 ιβʹ. μέλιτος τὸ αὔταρκες. ἀμβροσία Φιλίππου Μακεδόνος, πρὸς τὰ θανάσιμα τῶν φαρμάκων, καὶ παντὸς ἰοβόλου πληγήν. ποιεῖ καὶ πρὸς τὰς ἐντὸς διαθέσεις. Ϛ Στύρακος, χαλβάνης, πεπέρεως λευκοῦ καὶ μακροῦ, καὶ κινναμώμου, ἀνὰ 𐅻 βʹ. σελίνου σπέρματος, ἀνίσου, σχοίνου ἄνθους, κόστου, κυμίνου Αἰθιοπικοῦ, σεσέλεως, κύφεως, ῥήου Ποντικοῦ, καρδαμώμου, ἀμώμου, νάρδου, σμύρνης, κασσίας ἀνὰ 𐅻 δʹ. πυρήνων καθαρῶν φοινίκων, καὶ καρύων τῆς σαρκὸς ἀνὰ 𐅻 στʹ. κρόκου 𐅻 ηʹ. σταφίδας ἐκγεγιγαρτισμένας ιβʹ. μέλιτος Ἀττικοῦ τὸ αὔταρκες. συντίθει κατὰ τρόπον. ἀντίδοτος ζωπύριος. ποιεῖ πρὸς τὰ θανάσιμα τῶν φαρμάκων, καὶ παντὸς ἑρπετοῦ πληγήν. ἐπὶ ταύτης τοιοῦτόν τι φέρεται, ὅτι Ζώπυρος δι’ἐπιστολῆς προτρέπει τὸν Μιθριδάτην εἰς ἐπίκρισιν τῆς ἀντιδότου, μεταπεμψάμενος ἕνα τῶν κατακρίτων, τούτῳ θανάσιμον διδόναι φάρμακον, καὶ τότε παραινεῖ ἐπιπίνειν τὴν ἀντίδοτον. ἢ πρότερον διδόναι τὴν ἀντίδοτον, καὶ τότε τὸ θανάσιμον ἐπιπίνειν. τὸ δ’αὐτὸ παρῄνει καὶ ἐπὶ ἑρπετῶν ἢ καὶ τοξικῶν πράσσειν. τούτων γὰρ οὕτω γινομένων συνέβαινε τὸν ἄνθρωπον ἀδιάπτωτον εἶναι. ποιεῖ δὲ καὶ στομαχικοῖς πρὸς ὀξυρεγμίαν, αἱμοπτυικοῖς, κοιλιακοῖς, δυσεντερικοῖς, ἡπατικοῖς, σπληνικοῖς, ἐπιληπτικοῖς, νεφριτικοῖς. ὑγιάζει δὲ καὶ τὰς περὶ μήτραν ἢ κύστιν διαθέσεις. κατάγει τὰ ἐναποθνήσκοντα τῶν ἐμβρύων, κατεχόμενα δεύτερα. τὰ δὲ τῆς σκευασίας ἔχει γε οὕτως. Ϛ Ὀποβαλσάμου 𐅻 δʹ. νάρδου Ἰνδικῆς, σμύρνης Τρωγλοδύτιδος, σχοίνου ἄνθους, κινναμώμου, χαρακίου, κόστου προσφάτου, πεπέρεως μακροῦ, ὑποκυστίδος, πολίου, πεπέρεως περεατικοῦ, σκορδίου, μήου Κρητικοῦ, καρδαμώμου ἀνὰ 𐅻 δʹ. λιβάνου ἄρρενος, χόνδρου ὀποβαλσάμου, δικτάμνου ἀνὰ 𐅻 στʹ. πετροσελίνου, κασσίας κιρρᾶς ἀνὰ 𐅻 ζʹ. κρόκου κωρυκίου 𐅻 ηʹ. μέλιτος Ἀττικοῦ τὸ αὔταρκες. ἡ δόσις καρύου Ποντικοῦ τὸ μέγεθος, ἀπυρέτοις μετ’οἴνου, πυρέττουσι μεθ’ὑδρομέλιτος. ἡ διὰ τῶν αἱμάτων πρὸς τὰ θανάσιμα τῶν φαρμάκων, καὶ παντὸς ἰοβόλου πληγήν. Ϛ Πεπέρεως μακροῦ καὶ λευκοῦ, κόστου, ἀκόρου, κρόκου, φοῦ, μήου, δικτάμνου Κρητικοῦ, ἀμμωνιακοῦ, ἀγαρικοῦ ἀνὰ 𐅻 βʹ. ἀμώμου, ὀποβαλσάμου, πηγάνου ἀγρίου σπέρματος, κυμίνου Αἰθιοπικοῦ, ἀνίσου, νήσσης αἵματος, ἄρρενος καὶ θηλείας ξηροῦ, ἐριφείου αἵματος, χηνείου αἵματος, βουνιάδος ἀγρίας σπέρματος ἀνὰ 𐅻 γʹ. γεντιανῆς, τριφυλλίου, σχοίνου ἄνθους, λιβανωτοῦ, ῥόδων ξηρῶν ἀνὰ 𐅻 δʹ. πετροσελίνου 𐅻 εʹ. πολίου Κρητικοῦ τὸ ἴσον, κινναμώμου 𐅻 στʹ. σκορδίου ἄνθους 𐅻 ηʹ. σμύρνης, νάρδου ἀνὰ 𐅻 ιʹ. κρόκου 𐅻 ιβʹ. κασσίας 𐅻 ηʹ. κόψας καὶ σήσας ἐπιμελῶς, ἀνάκοπτε μέλιτι Ἀττικῷ ἀφηψημένῳ, καὶ ἀνελόμενος εἰς πυξίδα ἀργυρᾶν, χρῶ ὡς μεγίστῳ φαρμάκῳ.

περὶ τῆς διὰ σκίγκου ἀντιδότου, περὶ θηριακῆς, καὶ ἑκατονταμιγμάτου. ἀντίδοτος Μιθριδάτου Εὐπάτορος, ἡ διὰ σκίγκου λεγομένη, ποιοῦσα πρὸς τὰ θανάσιμα τῶν φαρμάκων, καὶ πρὸς πᾶσαν φθοροποιὸν ὕλην, καὶ παντὸς ἰοβόλου πληγὴν, καὶ πρὸς τὰς τῶν ἐντὸς διαθέσεις, καὶ πρὸς συλλήψεις συνεργεῖ, κατάγει ἔμμηνα · καὶ τὰ ἐναποθνήσκοντα ἔμβρυα, καὶ τὰ κατεχόμενα δεύτερα λύει, καὶ τοῖς κατὰ περίοδον πυρετοῖς βοηθεῖ, καὶ παρέτοις, τρομώδεσιν, ὀπισθοτονικοῖς, ἰσχιαδικοῖς, ποδαγρικοῖς, καὶ πρὸς πᾶσαν νευρικὴν συμπάθειαν. τὰ δὲ τῆς σκευασίας ἔχει οὕτως. Ϛ Σκίγκου, σαγαπηνοῦ, ἀκόρου, φοῦ, ὑπερικοῦ, ἀκακίας, ἴρεως, μήου, κόμμεως ἀνὰ 𐅻 βʹ. ῥόδων ξηρῶν, γεντιανῆς, καρδαμώμου ἀνὰ 𐅻 δʹ. μηκωναρίου σπέρματος 𐅻 εʹ. καὶ διώβολον, στύρακος 𐅻 ηʹ. πολίου, κασσίας μελαίνης, σεσέλεως, βδελλίου, βαλσάμου, πεπέρεως λευκοῦ ἀνὰ 𐅻 εʹ. καὶ διώβολον, ὑποκυστίδος χυλοῦ, ὀποπάνακος, σμύρνης, λιβάνου ἄρρενος, καστορίου, πεπέρεως μακροῦ, κύφεως, μαλαβάθρου φύλλων ἀνὰ 𐅻 στʹ. σκορδίου, κόστου, σχοίνου ἄνθους, χαλβάνης, ῥητίνης τερμινθίνης ἀνὰ 𐅻 στʹ. καὶ διώβολον, νάρδου Συριακῆς, ὀποβαλ σάμου, θλάσπεως, δαύκου Κρητικοῦ ἀνὰ 𐅻 στʹ. καὶ διώβολον, κρόκου, κινναμώμου, ζιγγιβέρεως ἀνὰ 𐅻 στʹ. καὶ διώβολον, γλυκυρρίζης χυλοῦ, ἀγαρικοῦ, ἀνὰ 𐅻 ζʹ. καὶ τριώβολον, μέλιτος τὸ αὔταρκες, οἴνου καλοῦ τὸ ἀρκοῦν εἰς τὸ διαλῦσαι τοὺς χυλούς. συντίθεται δὲ τοῦτον τὸν τρόπον. κῦφι, ὑπόκιστις, σαγαπηνὸν, κόμμι, μηκώνειον, στύραξ, ὀποπάναξ ἐν οἴνῳ Χίῳ βρέχεται, μέχρι παντελῶς διαλυθῆναι, ἡμέραν καὶ νύκτα, τὰ δὲ λοιπὰ κόπτεται καὶ σήθεται λεπτῷ κοσκίνῳ, καὶ μίγνυται τοῖς ἀποβρεχθεῖσι καὶ λεανθεῖσιν. ἡ δὲ ὅλη σύνθεσις ἀναλαμβάνεται μέλιτι Ἀττικῷ ἀφηψημένῳ, ὡς πάχος ἔχειν · εἶτ’ἐπὶ πᾶσι βάλλομεν ὀποβάλσαμον, εἶτ’ἀνελόμενοι κατατίθεμεν εἰς ἄγγος ἀργυροῦν, καὶ ἡ χρῆσις εἰς πολλὰ, ἡ δόσις πρὸς δύναμιν. ἡμεῖς πρὸς ἐπίτασιν τοῦ φαρμάκου, ἕνεκα τῆς τῶν ἐμμήνων ἐποχῆς, καὶ τῶν συλλημ μάτων, ὥστε ἀκινδύνως φέρεσθαι, δικτάμνου Κρητικοῦ 𐅻 δʹ. ἀμμωνιακοῦ 𐅻 γʹ. πηγάνου ἀγρίου σπέρματος 𐅻 γʹ. κυμίνου Αἰθιοπικοῦ στʹ. τριφύλλου σπέρματος δʹ. βουνιάδος ἀγρίας δʹ. χαμαίδρυος 𐅻 δʹ. ῥᾶ Ποντικοῦ γʹ. ὀποῦ Κυρηναϊκοῦ 𐅻 βʹ. τούτων προσβαλλομένων ἡ τοῦ φαρμάκου χρῆσις γίνεται πρὸς πολλὰ χρήσιμος · φθείρει γὰρ τετραμηνιαῖα, καὶ τριμηνιαῖα κατάγει. Μιθριδάτου θηριακή. ταύτῃ ὁ βασιλεὺς Μιθριδάτης ἀεὶ ἐχρῆτο προφυλακῆς χάριν θανασίμου. ἡνίκα γοῦν ὑπὸ Ῥωμαίων ἑάλω, δὶς πιὼν θανάσιμον, καὶ μὴ δυνηθεὶς ἀποθανεῖν, ξίφει ἑαυτὸν διεχρήσατο. πρὸς τὰ θανάσιμα δὲ τῶν φαρμάκων ποιεῖ, καὶ παντὸς ἰοβόλου πληγὴν, καὶ πρὸς τὰς τῶν ἐντὸς διαθέσεις. ταύτῃ ἐχρήσατο ὁ Ἀνδρόμαχος. τὰ δὲ τῆς σκευασίας ἔχει οὕτως. Ϛ Ἀρτίσκων σκιλλητικῶν 𐅻 μηʹ. θηριακῶν ἀρτίσκων, πεπέρεως μέλανος, ἡδυχρόου μάγματος, ὀποῦ μήκωνος Σπανοῦ, ἀνὰ 𐅻 κδʹ. ῥόδων ξηρῶν, σκορδίου, σπέρματος βουνιάδος, ἴρεως Ἰλλυρικῆς, ἀγαρικοῦ, κινναμώμου, γλυκυρρίξης χυλοῦ, ὀποβαλσάμου, ἀνὰ 𐅻 ιβʹ. λιβανωτίδος 𐅻 ηʹ. σμύρνης, κρόκου, ζιγγιβέρεως, ῥᾶ Ποντικοῦ, πενταφύλλου ῥίζης, καλαμίνθης ὀρεινῆς, πρασίου, πετροσελίνου, στοιχάδος, κόστου, πεπέρεως λευκοῦ, πεπέρεως μακροῦ, λιβάνου, ἀνὰ ὀβολοὺς βʹ. κασσίας μελαίνης 𐅻 δʹ. κόστου 𐅻 αʹ. κρόκου δʹ. πεπέρεως λευκοῦ μίαν, καὶ μακροῦ μίαν, Ἰλλυρίδος, σχοίνου, πολίου, σκορδίου, ῥόδων ξηρῶν, νήσσης αἵματος, ἀνὰ 𐅻 γʹ. μέλιτος Ἀττικοῦ ἑφθοῦ τὸ ἱκανόν. ἀντίδοτος ἑκατονταμίγματος, ᾗ χρῶμαι, ἣν ἐσκεύασα Καίσαρι πρὸς πάντα, ἰδίως δὲ πρὸς τὰ θανάσιμα. Ϛ Ἀβροτόνου 𐅻 βʹ. ἥμισυ, ἀριστολοχίας 𐅻 κʹ. ἀκακίας 𐅻 δʹ. ἀρκευθίδων σαρκὸς ἴσον, κρόκου 𐅻 βʹ. ἀσάρου 𐅻 δʹ. ἀνίσου 𐅻 γʹ. ἀμώμου 𐅻 στʹ. ἀγαρικοῦ 𐅻 γʹ. καρποῦ βαλσάμου 𐅻 βʹ. βδελλίου 𐅻 γʹ. ὀβολοὺς γʹ. βαλαυστίου 𐅻 βʹ. γεντιανῆς 𐅻 δʹ. γλυκείας χυλοῦ ἴσον, γογγυλίδος σπέρματος 𐅻 δʹ. ἐν ἄλλῳ 𐅻 ηʹ. γῆς Σαμίας μίαν, δαύκου σπέρματος 𐅻 δʹ. δρακοντίου ῥίζης 𐅻 γʹ. ὀβολοὺς γʹ. ἐρυσίμου σπέρματος 𐅻 κʹ. ἴρεως Ἰλλυρικῆς 𐅻 βʹ. σμύρνης 𐅻 ζʹ. ὀβολοὺς γʹ. ζιγγιβέρεως ἶσον, ἠρυγγίου ῥίζης 𐅻 δʹ. ὀβολοὺς βʹ. θλάσπεως 𐅻 κʹ. κονύζης λεπτῆς 𐅻 στʹ. ἀκόρου 𐅻 στʹ. ὀβολοὺς γʹ. κυπέρου 𐅻 στʹ. κωνείου σπέρματος ἐπτισμένου 𐅻 αʹ. ὀβολοὺς γʹ. ἄμμεως 𐅻 δʹ. κνίκου σπέρματος 𐅻 ζʹ. ὀβολοὺς βʹ. κινναμώμου 𐅻 ζʹ. κόστου 𐅻 ζʹ. ὀβολοὺς βʹ. κασσίας 𐅻 εʹ. ὀβολοὺς βʹ. κενταυρίου χυλοῦ 𐅻 δʹ. ὀβολοὺς εʹ. καστορίου στʹ. καλάμου ἀρωματικοῦ βʹ. οἱ δὲ δʹ. κόμμεως 𐅻 βʹ. καρδαμώμου δʹ. κάγχρυος 𐅻 γʹ. ὀβολοὺς γʹ. κύφεως 𐅻 στʹ. χαλβάνης 𐅻 στʹ. ὀβολοὺς βʹ. λιβανωτίδος φύλλων 𐅻 δʹ. ἐλελισφάκου ἴσον, λογχίτιδος σπέρματος 𐅻 βʹ. ὀβολοὺς γʹ. λιθοσπέρμου 𐅻 γʹ. λιβάνου 𐅻 στʹ. τριώβολον, μαράθρου σπέρματος 𐅻 στʹ. ὀποῦ μήκωνος 𐅻 στʹ. μίλτου Λημνίας 𐅻 αʹ. μαλαβάθρου ιʹ. μήου 𐅻 στʹ. νήσσης αἵματος στʹ. νάρδου Συριακῆς 𐅻 στʹ. ὀβολοὺς γʹ. νάρδου Κελτικῆς 𐅻 ηʹ. ξυλοβαλσάμου 𐅻 γʹ. ὀποπάνακος ἴσον, ὀρμίνου σπέρματος ηʹ. ὀρόβων λευκῶν ἴσον, πανακείας ῥίζης 𐅻 στʹ. ὀποβαλσάμου 𐅻 γʹ. πελεκίνου 𐅻 στʹ. πολίου εʹ. ὀβολοὺς βʹ. πολυγόνου φύλλων 𐅻 θʹ. ἑλενίου ῥίζης 𐅻 εʹ. ὀβολοὺς γʹ. πετροσελίνου στʹ. ὀβολοὺς βʹ. πενταφύλλου 𐅻 ηʹ. ὀποῦ πευκεδάνου τὸ ἴσον, πεπέρεως μέλανος 𐅻 εʹ. τριώβολον, καὶ λευκοῦ δʹ. ὀβολοὺς γʹ. καὶ μακροῦ 𐅻 αʹ. σκίγκου δραχμὰς γʹ. τερμινθίνης βʹ. ῥόδων ξηρῶν 𐅻 στʹ. σαγαπηνοῦ δραχμὰς ηʹ. στοιχάδος δʹ. στροβίλων πεφρυγμένων 𐅻 στʹ. σχοίνου δραχμὰς δʹ. ὀβολοὺς βʹ. σταφίδος σαρκὸς 𐅻 δʹ. σεσέλεως δραχμὰς εʹ. ὀβολοὺς βʹ. σταφυλίνου σπέρματος 𐅻 δʹ. χολῆς ταυρείας 𐅻 εʹ. χολῆς ἀρκείας ἴσον, χαμαιπίτυος 𐅻 γʹ. ψυλλίου σπέρματος δʹ. χαμαίδρυος ἶσον, σησάμου πεφρυγμένου 𐅻 στʹ. συμφύτου ῥίζης δραχμὰς βʹ. σκορδίου κορύμβων δραχμὴν αʹ. ὀβολοὺς δʹ. σταφίδος ἀγρίας δραχμὰς εʹ. στύρακος 𐅻 εʹ. ὀβολοὺς βʹ. τριφύλλου καρποῦ 𐅻 ιʹ. τορδύλου σπέρματος βʹ. τευκρίου φύλλων, ὅ τινές φασιν εἶναι χαμαίδρυν, δραχμὴν μίαν, ὑποκυστίδος χυλοῦ δραχμὰς βʹ. Ϛ”. ὑπερικοῦ καρποῦ βʹ. ὑοσκυάμου σπέρματος δραχμὰς βʹ. ῥοῦ Ποντικοῦ 𐅻 βʹ. φοῦ 𐅻 ηʹ. ῥοὸς τοῦ ἐπὶ τὰ ὄψα 𐅻 εʹ. τριώβολον · κοτυληδόνος ῥίζης 𐅻 αʹ. ὀβολοὺς γʹ. οἴνου καὶ μέλιτος τὸ ἱκανόν. ἐγὼ οἶνον οὐ βάλλω.