Epigrams

Ἄρτεμι, σοὶ τὰ πέδιλα Κιχησίου εἵσατο υἱός,

καὶ πέπλων ὀλίγον πτύγμα Θεμιστοδίκη,

οὕνεκά οἱ πρηεῖα λεχοῖ δισσὰς ὑπερέσχες

χεῖρας, ἄτερ τόξου, πότνια, νισσομένη.

Ἄρτεμι, νηπίαχον δὲ καὶ εἰσέτι παῖδα Λέοντι

νεῦσον ἰδεῖν κοῦρον γυῖ’ἐπαεξόμενον.

αἰάζω Πολύανθον, ὃν εὐνέτις, ὦ παραμείβων,

νυμφίον ἐν τύμβῳ θῆκεν Ἀρισταγόρη,

δεξαμένη σποδιήντε καὶ ὀστέα “τὸν δὲ δυσαὲς

ὤλεσεν Αἰγαίου κῦμα περὶ Σκίαθον’,

δύσμορον ὀρθρινοί μιν ἐπεὶ νέκυν ἰχθυβολῆες,

ξεῖνε, Τορωναίων εἵλκυσαν ἐς λιμένα.

Καλλίστρατός σοι, Ζηνὸς ὦ διάκτορε,

ἔθηκε μορφῆς ξυνὸν ἥλικος τύπον

Κηφισιεὺς ὁ κοῦρος · ᾧ χαρείς, ἄναξ,

Ἀπολλοδώρου παῖδα καὶ πάτραν σάω.

τόξον μέν, ᾧ Γίγαντος ὤλεσας σθένος,

ἴσχε βίης, Ἑκάεργ’ἀνάσσων ·

† οὒ οἱ φαρέτρη λύεται λυκοκτόνος ·

τοῖσδε δ’ἐπ’ἠιθέοις ὀιστὸν ⏑

στρέφειν Ἔρωτος, τόφρ’ἀλέξωνται πάτρῃ,

θαρσαλέοι φιλότατι κούρων

πυροῖ γὰρ ἀλκήν, ⏑ καὶ θεῶν ὑπέρτατος

αἰὲν ὅδε προμάχους ἀέξειν.

Μελιστίωνος δ’, ὦ πατρώιον σέβας

Σχοινιέων, ἐπίηρα δέχθαι.