Epic Fragments

Ισσηδοὶ χαίτηισιν ἀγαλλόμενοι ταναῆισι.

καὶ φάσαν ἀνθρώπους εἶναι καθύπερθεν ὁμούρους

πρὸς Βορέω, πολλούςτε καὶ ἐσθλοὺς κάρτα μαχητάς,

ἀφνειοὺς ἵπποισι, πολύρρηνας, πολυβούτας.

ὀφθαλμὸν δ’ἕν’ἕκαστος ἔχει χαρίεντι μετώπωι,

χαίτηισιν λάσιοι, πάντων στιβαρώτατοι ἀνδρῶν.

θαῦμ’ἡμῖν καὶ τοῦτο μέγα φρεσὶν ἡμετέρηισιν.

ἄνδρες ὕδωρ ναίουσιν ἀπὸ χθονὸς ἐν πελάγεσσι ·

δύστηνοί τινές εἰσιν, ἔχουσι γὰρ ἔργα πονηρά ·

ὄμματ’ἐν ἄστροισι, ψυχὴν δ’ἐνὶ πόντωι ἔχουσιν.

ἦ που πολλὰ θεοῖσι φίλας ἀνὰ χεῖρας ἔχοντες

εὔχονται σπλάγχνοισι κακῶς ἀναβαλλομένοισι.