Fragments

Μιλήσιοι ἀξύνετοι μὲν

οὔκ εἰσιν, δρῶσιν δ’οἷά περ ἀξύνετοι.

Λέριοι κακοί · οὐχ ὃ μέν, ὃς δ’οὔ ·

πάντες, πλὴν Προκλέους — καὶ Προκλέης Λέριος.

πάντες μὲν Κίλικες κακοὶ ἀνέρες · ἐν δὲ Κίλιξιν

εἷς ἀγαθὸς Κινύρης — καὶ Κινύρης δὲ Κίλιξ.

Καππαδόκην ποτ’ἔχιδνα κακὴ δάκεν · ἀλλὰ καὶ αὐτὴ

κάτθανε γευσαμένη αἵματος ἰοβόλου.

Καππαδόκαι φαῦλοι μὲν ἀεί · ζώνης δὲ τυχόντες

φαυλότεροι · κέρδους δ’εἵνεκα φαυλότατοι ·

ἢν δ’ἄρα δὶς καὶ τρὶς μεγάλης δράξωνται ἀπήνης,

δή ῥα τότ’εἰς ὥρας φαυλεπιφαυλότεροι.

μή, λίτομαι βασιλεῦ, μὴ τετράκις, ὄφρα μὴ αὐτὸς

κόσμος ὀλισθήσῃ καππαδοκιζόμενος.

ἢν τύχηις † τήνων δικάζεο τὴν Πριηνίην δίκην.