Epic Fragments

Ἀντιόπη δ’ἔτεκε Ζῆθον κἀμφίονα δῖον

Ἀσωποῦ κούρη ποταμοῦ βαθυδινήεντος,

Ζηνίτε κυσαμένη καὶ Ἐπωπέι ποιμένι λαῶν.

Δίου ἐνὶ μεγάροις τέκεν εὐειδὴς Μελανίππη.

ἀντίθεον δὲ Πελασγὸν ἐν ὑψικόμοισιν ὄρεσσι

γαῖα μέλαιν’ἀνέδωκεν, ἵνα θνητῶν γένος εἴη.

κοῦραίτ’Ἰκαρίοιο Μέδη καὶ Πηνελόπεια.

οἳ δ’αὔτως φοίτεσκον ὅπως πλοκάμους κτενίσαιντο

εἰς Ἥρης τέμενος, πεπυκασμένοι εἵμασι καλοῖς,

χιονέοισι χιτῶσι πέδον χθονὸς εὐρέος εἶχον ·

χαῖται δ’ἠιωρεῦντ’ἀνέμωι χρυσέοις ἐνὶ δεσμοῖς,

χρύσειαι δὲ κορύμβαι ἐπ’αὐτῶν τέττιγες ὥς ·

δαιδαλέας δὲ χλιδῶνας ἄρ’ἀμφὶ βραχίοσ’ἕσαντες

–⏔–⏔–τες ὑπασπίδιον πολεμιστήν.