Epigrams
πρόσθε μὲν ἀγραύλοιο δασύτριχος ἰξάλου αἰγὸς
6.2δοιὸν ὅπλον χλωροῖς ἐστεφόμαν πετάλοις ·
6.3νῦν δέ με Νικομάχῳ κεραοξόος ἥρμοσε τέκτων,
6.4ἐντανύσας ἕλικος καρτερὰ νεῦρα βοός.
6.1δέρμα καὶ ὀργυιαῖα κέρα βοὸς ἐκ βασιλῆος
6.2Ἀμφιτρυωνιάδᾳ κείμεθ’ἀνὰ πρόπυλον,
6.3τεσσαρακαιδεκάδωρα, τὸν αὐχήεντα Φιλίππῳ
6.4ἀντόμενον κατὰ γᾶς ἤλασε δεινὸς ἄκων,
6.5βούβοτον Ὀρβηλοῖο παρὰ σφυρόν. ἆ πολύολβος
6.6Ἠμαθίς, ἃ τοίῳ κραίνεται ἁγεμόνι.
7.1τάνδε κατ’εὔδενδρον στείβων δρίος εἴρυσα χειρὶ
7.2πτώσσουσαν βρομίης οἰνάδος ἐν πετάλοις,
7.3ὄφρα μοι εὐερκεῖ καναχὰν δόμῳ ἔνδοθι θείη,
7.4τερπνὰ δι’ἀγλώσσου φθεγγομένα στόματος.
7.1οὐκέτ’ἀν’ὑλῆεν δρίος εὔσκιον, ἀγρότα πέρδιξ,
7.2ἠχήεσσαν ἵης γῆρυν ἀπὸ στομάτων,
7.3θηρεύων βαλιοὺς συνομήλικας ἐν νομῷ ὕλης ·
7.4ᾤχεο γὰρ πυμάταν εἰς Ἀχέροντος ὁδόν.
15.1“Ἀνδροθέᾳ δῶρον ὁ Φωκεὺς κρατερᾶς μηδοσύνας ἦρα τίνων Ἀθάνᾳ
15.12ὠπασ’Ἐπειὸς πέλεκυν, τῷ ποκὰ πύργων θεοτεύκτων κατέρειψεν αἶπος,
15.2τᾶμος, ἐπεὶ τὰν ἱερὰν κηρὶ πυρίπνῳ πόλιν ᾐθάλωσεν
15.11Δαρδανιδᾶν, χρυσοβαφεῖςτ’ἐστυφέλιξ’ἐκ θεμέθλων ἄνακτας ·
15.3οὐκ ἐνάριθμος γεγαὼς ἐν προμάχοις Ἀχαιῶν,
15.10ἀλλ’ἀπὸ κρανῶν ἰθαρᾶν νᾶμα κέλευθον δυσκλής ·
15.4νῦν δ’ἐς Ὁμήρειον ἔβα κέλευθον,
15.9σὰν χάριν, ἁγνὰ πολύβουλε Παλλάς ·
15.5τρὶς μάκαρ ὃν σὺ θυμῷ
15.8ἵλαος ἀμφιδερχθῇς.
15.6ὅδ’ὄλβος
15.7ἀεὶ πνεῖ”.
15.1λεῦσσέ με τὸν Γᾶςτε βαθυστέρνου ἄνακτ’, Ἀκμονίδαντ’ἄλλυδις ἑδράσαντα,
15.2μη δὲ τρέσῃς, εἰ τόσος ὢν δάσκια βέβριθα λάχνᾳ γένεια.
15.3τᾶμος ἐγὼ γὰρ γενόμαν, ἁνίκ’ἔκραιν’Ἀνάγκα,
15.4πάντα δὲ Γᾶς εἶκε φραδαῖσι λυγραῖς
15.5ἑρπετά, † πάνθ’ὅσ’ἕρπει
15.6δι’αἴθρας.
15.7χάους δέ,
15.8οὔτι γε Κύπριδος παῖς
15.9ὠκυπέτας οὐ δ’Ἄρεος καλεῦμαι ·
15.10οὔτι γὰρ ἔκρανα βίᾳ, πραϋλόγῳ δὲ πειθοῖ ·
15.11εἶκε δέ μοι Γαῖα, Θαλάσσαςτε μυχοί, χάλκεος Οὐρανόςτε ·
15.12τῶν δ’ἐγὼ ἐκνοσφισάμαν ὠγύγιον σκᾶπτρον, ἔκρινον δὲ θεοῖς θέμιστας.
15.1Κωτίλας
15.2τῆ τόδ’ἄτριον νέον
15.3πρόφρων δὲ θυμῷ δέξο · δὴ γὰρ ἁγνᾶς
15.4τὸ μὲν θεῶν ἐριβόας Ἑρμᾶς ἔκιξε κᾶρυξ
15.5ἄνωγε δ’ἐκ μέτρου μονοβάμονος μέγαν πάροιθ’ἀέξειν
15.6θοῶς δ’ὕπερθεν ὦκα λέχριον φέρων νεῦμα ποδῶν σποράδων πίφαυσκεν
15.7θοαῖς ἴσ’αἰόλαις νεβροῖς κῶλ’ἀλλάσσων ὀρσιπόδων ἐλάφων τέκεσσιν ·
15.8πᾶσαι κραιπνοῖς ὑπὲρ ἄκρων ἱέμεναι ποσὶ λόφων κατ’ἀρθμίας ἴχνος τιθήνας ·
15.9καί τις ὠμόθυμος ἀμφίπαλτον αἶψ’αὐδὰν θὴρ ἐν κόλπῳ δεξάμενος θαλαμᾶν μυχοιτάτῳ
15.10κα- καἶτ’ὦκα βοᾶς ἀκοὰν μεθέπων, ὅγ’ἄφαρ λάσιον νιφοβόλων ἀν’ὀρέων ἔσσυται ἄγκος ·
15.11ταῖσι δὴ δαίμων κλυτᾶς ἶσα θοοῖς δονέων ποσὶ πολύπλοκα μετίει μέτρα μολπᾶς.
15.12ῥίμφα πετρόκοιτον ἐκλιπὼν ὄρουσ’εὐνάν, ματρὸς πλαγκτὸν μαιόμενος βαλίας ἑλεῖν τέκος ·
15.13βλαχαὶ δ’οἴων πολυβότων ἀν’ὀρέων νομὸν ἔβαν τανυσφύρων ἐς ἀν’ἄντρα Νυμφῶν ·
15.14ταὶ δ’ἀμβρότῳ πόθῳ φίλας ματρὸς ῥώοντ’αἶψα μεθ’ἱμερόεντα μαζὸν,
15.15ἴχνει θένων G?ταν παναίολον Πιερίδων μονόδουπον αὐδὰν,
15.16ἀριθμὸν εἰς ἄκραν δεκάδ’ἰχνίων κόσμον νέμοντα ῥυθμῶν.
15.17φῦλ’ἐς βροτῶν, ὑπὸ φίλας ἑλὼν πτεροῖσι ματρός ·
15.18λιγειά μιν κάμ’ἶφι ματρὸς ὠδίς ·
15.19Δωρίας ἀηδόνος
15.20ματέρος.