The Altar

εἱμάρσενός με στήτας

πόσις, μέροψ δίσαβος,

τεῦξ’, οὐ σποδεύνας, ἶνις ἐμπούσας, μόρος

Τεύκροιο βούτα καὶ κυνὸς τεκνώματος,

Χρύσας δ’ἀίτας, ἆμος ἑψάνδρα

τὸν γυιόχαλκον οὖρον ἔρραισεν,

ὃν ὡπάτωρ δίσευνος

μόρησε ματρόρριπτος.

ἐμὸν δὲ τεῦγμ’ἀθρήσας

Θεοκρίτοιο κτάντας,

τριεσπέροιο καύτας,

θώυξεν αἴν’ἰύξας

χάλεψε γάρ νιν ἰῷ

σύργαστρος ἐκδυγήρας.

τὸν δ’αἰλινεῦντ’ἐν ἀμφικλύστῳ

Πανόςτε ματρὸς εὐνέτας, φὼρ

δίζῳος, ἶνίςτ’ἀνδροβρῶτος ἰλιοραιστᾶν

ἦρ’ἀρδίων ἐς Τευκρίδ’ἄγαγον τρίπορθον.