Dithyrambs

Ἀντήνορος ἀντιθέου

G?ρακοιτις Ἀθάνας πρόσπολος,

x–⏑–– Παλλάδος ὀρσιμάχου

––⏑–– χρυσέας

–⏑–––⏑ν Ὀδυσσεῖ

Λαρτιᾴδᾳ Μενελάῳτ’Ἀτρεΐδᾳ βασιλεῖ

–⏑ –– – βαθύζωνος Θεανὼ

–– ⏑⏑ –⏑ ⏑ον

x– ⏑⏑ –⏑ ⏑– προσήνεπεν

x– ⏑– –– ⏑ ἐϋκτιμέναν

–– ⏑– –– ⏑–

–⏑ –– –⏑ ––δων τυχόντες

–⏑ ⏑– ⏑⏑ –– –⏑ ⏑– σὺν θεοῖς

–⏑ –– –⏑ –– –⏑ –ους

–– ⏑⏑– ⏑⏑–

–– ⏑⏑– μεσονύκτιος κέαρ

–– ⏑– –– ⏑⏑– ⏑⏑–

ἆγον, πατὴρ δ’εὔβουλος ἥρως

πάντα σάμαινεν Πριάμῳ βασιλεῖ

παίδεσσίτε μῦθον Ἀχαιῶν.

ἔνθα κάρυκες δι’

εὐρεῖαν πόλιν ὀρνύμενοι

Τρώων ἀόλλιζον φάλαγγας

δεξίστρατον εἰς ἀγοράν.

παντᾷ δὲ διέδραμεν αὐδάεις λόγος ·

θεοῖς δ’ἀνίσχοντες χέρας ἀθανάτοις

εὔχοντο παύσασθαι δυᾶν.

Μοῦσα, τίς πρῶτος λόγων ἆρχεν δικαίων;

Πλεισθενίδας Μενέλαος γάρυϊ θελξιεπεῖ

φθέγξατ’, εὐπέπλοισι κοινώσας Χάρισσιν ·

ὦ Τρῶες ἀρηΐφιλοι,

Ζεὺς ὑψιμέδων, ὃς ἅπαντα δέρκεται,

οὐκ αἴτιος θνατοῖς μεγάλων ἀχέων,

ἀλλ’ἐν μέσῳ κεῖται κιχεῖν

πᾶσιν ἀνθρώποις Δίκαν ἰθεῖαν, ἁγνᾶς

Εὐνομίας ἀκόλουθον καὶ πινυτᾶς Θέμιτος ·

ὀλβίων παῖδές νιν αἱρεῦνται σύνοικον.

ἁ δ’αἰόλοις κέρδεσσι καὶ ἀφροσύναις

ἐξαισίοις θάλλουσ’ἀθαμβὴς

Ὕβρις, ἃ πλοῦτον δύναμίντε θοῶς

ἀλλότριον ὤπασεν, αὖτις

δ’ἐς βαθὺν πέμπει φθόρον,

κείνα καὶ ὑπερφιάλους

Γᾶς παῖδας ὤλεσσεν Γίγαντας.

Πυθίου ἔπ’εἶμ’, ἐπεὶ

ὁλκάδ’ἔπεμψεν ἐμοὶ χρυσέαν

Πιερίαθεν ἐΰθρονος Οὐρανία,

πολυφάτων γέμουσαν ὕμνων

G?ν εἴτ’ἄρ’ἐπ’ἀνθεμόεντι Ἕβρῳ

[…] ἀγάλλεται ἢ δολιχαύχενι κύκνῳ,

ὀπὶ ἁδεΐᾳ φρένα τερπόμενος,

G?δ’ἵκῃ παιηόνων

ἄνθεα πεδοιχνεῖν,

τόσα χοροὶ Δελφῶν

σὸν κελάδησαν παρ’ἀγακλέα ναόν.

πρίν γε κλέομεν λιπεῖν

Οἰχαλίαν πυρὶ δαπτομέναν

Ἀμφιτρυωνιάδαν θρασυμηδέα

φῶθ’, ἵκετο δ’ἀμφικύμον’ἀκτάν ·

ἔνθ’ἀπὸ λαΐδος εὐρυνεφεῖ Κηναίῳ

Ζηνὶ θύεν βαρυαχέας ἐννέα ταύρους

δύοτ’ὀρσιάλῳ δαμασίχθονι

μέλλε κόρᾳτ’ὀβριμοδερκεῖ ἄζυγα

παρθένῳ Ἀθάνᾳ

ὑψικέραν βοῦν.

τότ’ἄμαχος δαίμων

Δαϊανείρᾳ πολύδακρυν ὕφανε

μῆτιν ἐπίφρον’, ἐπεὶ

πύθετ’ἀγγελίαν ταλαπενθέα,

Ἰόλαν ὅτι λευκώλενον

Διὸς υἱὸς ἀταρβομάχας

ἄλοχον λιπαρὸν ποτὶ δόμον πέμποι.

ἆ δύσμορος, ἆ τάλαιν’, οἷον ἐμήσατο ·

φθόνος εὐρυβίας νιν ἀπώλεσεν,

δνόφεόντε κάλυμμα τῶν

ὕστερον ἐρχομένων,

ὅτ’ἐπὶ ῥοδόεντι Λυκόρμᾳ

δέξατο Νέσσου πάρα δαιμόνιον τέρας.

Κυανόπρῳρα μὲν ναῦς μενέκτυπον

Θησέα δὶς ἑπτάτ’ἀγλαοὺς ἄγουσα

κούρους Ἰαόνων

Κρητικὸν τάμνε πέλαγος ·

τηλαυγέϊ γὰρ ἐν φάρεϊ

βορήϊαι πίτνον αὖραι

κλυτᾶς ἕκατι πολεμαίγιδος Ἀθάνας ·

κνίσεντε Μίνωϊ κέαρ

ἱμεράμπυκος θεᾶς

Κύπριδος αἰνὰ δῶρα ·

χεῖρα δ’οὐκέτι παρθενικᾶς

ἄτερθ’ἐράτυεν, θίγεν

δὲ λευκᾶν παρηΐδων ·

βόασέτ’Ἐρίβοια

χαλκοθώρακα Πανδίονος

ἔκγονον · ἴδεν δὲ Θησεύς,

μέλαν δ’ὑπ’ὀφρύων

δίνασεν ὄμμα, καρδίαντέ ϝοι

σχέτλιον ἄμυξεν ἄλγος,

εἶρέντε · Διὸς υἱὲ φερτάτου,

ὅσιον οὐκέτι τεᾶν

ἔσω κυβερνᾷς φρενῶν

θυμόν · ἴσχε μεγαλοῦχον ἥρως βίαν.

ὅ τι μὲν ἐκ θεῶν μοῖρα παγκρατὴς

ἄμμι κατένευσε καὶ Δίκας ῥέπει

τάλαντον, πεπρωμέναν

αἶσαν ἐκπλήσομεν, ὅταν

ἔλθῃ · σὺ δὲ βαρεῖαν

κάτεχε μῆτιν. εἰ καί σε κεδνὰ

τέκεν λέχει Διὸς ὑπὸ κρόταφον Ἴδας

μιγεῖσα Φοίνικος

ἐρατώνυμος κόρα βροτῶν

φέρτατον, ἀλλὰ κἀμὲ

Πιτθέος θυγάτηρ ἀφνεοῦ

πλαθεῖσα ποντίῳ τέκεν

Ποσειδᾶνι, χρύσεον

τέ ϝοι δόσαν ἰόπλοκοι

κάλυμμα Νηρηΐδες.

τῶ σε, πολέμαρχε Κνωσίων,

κέλομαι πολύστονον

ἐρύκεν ὕβριν · οὐ γὰρ ἂν

θέλοιμ’ἀμβρότου ἐραννὸν Ἀοῦς

ἰδεῖν φάος, ἐπεί τιν’ἠϊθέων

σὺ δαμάσειας

ἀέκοντα · πρόσθε χειρῶν βίαν

δείξομεν · τὰ δ’ἐπιόντα δαίμων κρινεῖ.

τόσ’εἶπεν ἀρέταιχμος ἥρως ·

τάφον δὲ ναυβάται

φωτὸς ὑπεράφανον

θάρσος · Ἁλίουτε γαμβρῷ χολώσατ’ἦτορ,

ὕφαινέτε ποταινίαν

μῆτιν, εἶπέντε · μεγαλοσθενὲς

Ζεῦ πάτερ, ἄκουσον · εἴπερ με κούρα

Φοίνισσα λευκώλενος σοὶ τέκε,

νῦν πρόπεμπ’ἀπ’οὐρανοῦ θοὰν

πυριέθειραν ἀστραπὰν

σᾶμ’ἀρίγνωτον · εἰ

δὲ καὶ σὲ Τροιζηνία σεισίχθονι

φύτευσεν Αἴθρα

Ποσειδᾶνι, τόνδε χρύσεον

χειρὸς ἀγλαὸν

ἔνεγκε κόσμον ἐκ βαθείας ἁλός,

δικὼν θράσει σῶμα πατρὸς ἐς δόμους.

εἴσεαι δ’αἴ κ’ἐμᾶς κλύῃ

Κρόνιος εὐχᾶς

ἀναξιβρόντας ὁ πάντων μεδέων.

κλύε δ’ἄμετρον εὐχὰν μεγασθενὴς

Ζεύς, ὑπέροχόντε Μίνωϊ φύτευσε

τιμὰν φίλῳ θέλων

παιδὶ πανδερκέα θέμεν,

ἄστραψέθ’· ὁ δὲ θυμάρμενον

ἰδὼν τέρας πέτασε χεῖρας

κλυτὰν ἐς αἰθέρα μενεπτόλεμος ἥρως,

εἶρέντε · Θησεῦ, σὺ τάδε

μὲν βλέπεις σαφῆ Διὸς

δῶρα · σὺ δ’ὄρνυ’ἐς

βαρύβρομον πέλαγος · Κρονίδας

δέ τοι πατὴρ ἄναξ τελεῖ

Ποσειδὰν ὑπέρτατον

κλέος χθόνα κατ’ἠΰδενδρον.

ὣς εἶπε · τῷ δ’οὐ πάλιν

θυμὸς ἀνεκάμπτετ’, ἀλλ’

εὐπάκτων ἐπ’ἰκρίων

σταθεὶς ὄρουσε, πόντιόντέ νιν

δέξατο θελημὸν ἄλσος.

τάφεν δὲ Διὸς υἱὸς ἔνδοθεν

κέαρ, κέλευσέτε κατ’

οὖρον ἴσχεν εὐδαίδαλον

νᾶα · μοῖρα δ’ἑτέραν ἐπόρσυν’ὁδόν.

ἵετο δ’ὠκύπομπον δόρυ · σόει

νιν βορεὰς ἐξόπιν πνέουσ’ἀήτα ·

τρέσσαν δ’Ἀθαναίων

ἠϊθέων πᾶν γένος, ἐπεὶ

ἥρως θόρεν πόντονδε,

κατὰ λειρίωντ’ὀμμάτων

δάκρυ χέον, βαρεῖαν ἐπιδέγμενοι ἀνάγκαν ·

φέρον δὲ δελφῖνες

ἁλιναιέται μέγαν θοῶς

Θησέα πατρὸς

ἱππίου δόμον, μέγαρόντε θεῶν

μόλεν · τόθι κλυτὰς ἰδὼν

ἔδεισ’ὀλβίοιο

Νηρέος κόρας · ἀπὸ γὰρ

ἀγλαῶν λάμπε γυίων σέλας

ὧτε πυρός, ἀμφὶ χαίταις

δὲ χρυσεόπλοκοι

δίνηντο ταινίαι · χορῷ δ’

ἔτερπον κέαρ ὑγροῖσι ποσσίν ·

σεμνάντε πατρὸς ἄλοχον φίλαν

ἴδε βοῶπιν

ἐρατοῖσιν Ἀμφιτρίταν δόμοις ·

ἅ νιν ἀμφέβαλεν αἰόλαν πορφύραν,

κόμαισίτ’ἐπέθηκεν οὔλαις

ἀμεμφέα πλόκον,

τόν ποτέ ϝοι ἐν γάμῳ

δῶκε δόλιος Ἀφροδίτα ῥόδοις ἐρεμνόν.

ἄπιστον ὅ τι δαίμονες

θέωσιν οὐδὲν φρενοάραις βροτοῖς ·

νᾶα παρὰ λεπτόπρυμνον φάνη · φεῦ,

οἵαισιν ἐν φροντίσι Κνώσιον

ἔσχασεν στραταγέταν, ἐπεὶ

μόλ’ἀδίαντος ἐξ ἁλὸς

θαῦμα πάντεσσι,

λάμπε δ’ἀμφὶ γυίοις θεῶν δῶρ’,

ἀγλαόθρονοίτε κοῦραι σὺν

εὐθυμία νεοκτίτῳ

ἔκλαγεν δὲ πόντος · ἠΐθεοι δ’ἐγγύθεν

νέοι παιάνιξαν ἐρατᾷ ϝοπί.

Δάλιε, χοροῖσι Κηΐων

φρένα ἰανθεὶς

ὄπαζε θεόπομπον ἐσθλῶν τύχαν.

βασιλεῦ τᾶν ἱερᾶν Ἀθανᾶν,

τῶν ἁβροβίων ἄναξ Ἰώνων,

τί νέον ἔκλαγε χαλκοκώδων

σάλπιγξ πολεμηΐαν ἀοιδάν;

ἦ τις ἁμετέρας χθονὸς

δυσμενὴς ὅρι’ἀμφιβάλλει

στραταγέτας ἀνήρ;

ἢ λῃσταὶ κακομάχανοι

ποιμένων ἀέκατι μήλων

σεύοντ’ἀγέλας βίᾳ;

ἢ τί τοι κραδίαν ἀμύσσει;

φθέγγευ · δοκέω γὰρ εἴ τινι βροτῶν

ἀλκίμων ἐπικουρίαν

καὶ τὶν ἔμμεναι νέων,

ὦ Πανδίονος υἱὲ καὶ Κρεούσας.

νέον ἦλθεν δολιχὰν ἀμείψας

κᾶρυξ ποσὶν Ἰσθμίαν κέλευθον ·

ἄφατα δ’ἔργα λέγει κραταιοῦ

φωτός · τὸν ὑπέρβιόντ’ἔπεφνεν

Σίνιν, ὃς ἰσχύϊ φέρτατος

θνατῶν ἦν, Κρονίδα Λυταίου

σεισίχθονος τέκος ·

σῦντ’ἀνδροκτόνον ἐν νάπαις

Κρεμμυῶνος, ἀτάσθαλόντε

Σκίρωνα κατέκτανεν ·

τάντε Κερκυόνος παλαίστραν

ἔσχεν, Πολυπήμονόςτε καρτερὰν

σφῦραν ἐξέβαλεν

Προκόπτας, ἀρείονος τυχὼν

φωτός. ταῦτα δέδοιχ’ὅπᾳ τελεῖται.

τίνα δ’ἔμμεν πόθεν ἄνδρα τοῦτον

λέγει, τίνατε στολὰν ἔχοντα;

πότερα σὺν πολεμηΐοις

ὅπλοισι στρατιὰν ἄγοντα πολλάν;

ἢ μοῦνον σὺν ὀπάοσιν

στείχειν ἔμπορον οἷ’ἀλάταν

ἰσχυρόντε καὶ ἄλκιμον

ὧδε καὶ θρασύν, ὅςτε τούτων

ἀνδρῶν κρατερὸν σθένος

ἔσχεν; ἦ θεὸς αὐτὸν ὁρμᾷ,

δίκας ἀδίκοισιν ὄφρα μήσεται ·

οὐ γὰρ ῥᾴδιον αἰὲν

ἔρδοντα μὴ ’ντυχεῖν κακῷ.

πάντ’ἐν τῷ δολιχῷ χρόνῳ τελεῖται.

δύο ϝοι φῶτε μόνους ἁμαρτεῖν

λέγει, περὶ φαιδίμοισι δ’ὤμοις

ξίφος ἔχειν ἐλεφαντόκωπον ·

ξεστοὺς δὲ δύ’ἐν χέρεσσ’ἄκοντας

κηὔτυκτον κυνέαν

Λάκαιναν κρατὸς πέρι πυρσοχαίτου ·

στέρνοιςτε πορφύρεον

χιτῶν’ἄμφι, καὶ οὔλιον

Θεσσαλὰν χλαμύδ’· ὀμμάτων δὲ

στίλβειν ἄπο Λαμνίαν

φοίνισσαν φλόγα · παῖδα δ’ἔμμεν

πρώθηβον, ἀρηΐων δ’ἀθυρμάτων

μεμνᾶσθαι πολέμουτε καὶ

χαλκεοκτύπου μάχας ·

δίζησθαι δὲ φιλαγλάους Ἀθάνας.

πάρεστι μυρία κέλευθος

ἀμβροσίων μελέων,

ὃς ἂν παρὰ Πιερίδων

λάχῃσι δῶρα Μουσᾶν,

ἰοβλέφαροίτε καὶ

φερεστέφανοι Χάριτες

βάλωσιν ἄμφι τιμὰν

ὕμνοισιν · ὕφαινέ νυν ἐν

ταῖς πολυηράτοις τι κλεινὸν

ὀλβίαις Ἀθάναις,

εὐαίνετε Κηϊα μέριμνα.

πρέπει σε φερτάταν ἴμεν

ὁδὸν παρὰ Καλλιόπας

λαχοῖσαν ἔξοχον γέρας.

ἦεν Ἄργος ὅθ’ἵππιον λιποῦσα

φεῦγε χρυσέα βοῦς,

εὐρυσθενέος φραδαῖσι φερτάτου Διός,

Ἰνάχου ῥοδοδάκτυλος κόρα ·

ὅτ’Ἄργον ὄμμασιν βλέποντα

πάντοθεν ἀκαμάτοις

μεγιστοάνασσα κέλευσε

χρυσόπεπλος Ἥρα

ἄκοιτον ἄϋπνον

ἐόντα καλλικέραν δάμαλιν

φυλάσσεν · οὐ δὲ Μαίας

υἱὸς δύνατ’οὔτε κατ’

εὐφεγγέας ἁμέρας λαθεῖν νιν

οὔτε νύκτας ἁγνάς.

εἴτ’οὖν γένετ’ἐν ⏑–⏑–⏑

ποδαρκέ’ἄγγελον Διὸς

κτανεῖν τότε Γᾶς ⏑⏑–⏑

ὀβριμοσπόρου λ⏑x

Ἄργον · ἤ ῥα καὶ –⏑–⏑–⏑

ἄσπετοι μέριμναι ·

ἢ Πιερίδες φύτευσαν –⏑–⏑x

καδέων ἀνάπαυσιν –⏑x

ἐμοὶ μὲν οὖν

ἀσφαλέστατον ἁ προG?

ἐπεὶ παρ’ἀνθεμώδεα

Νεῖλον ἀφίκετ’οἰστροπλὰξ

Ἰὼ φέρουσα παῖδα […]

Ἔπαφον · ἔνθα νιν […]

λινοστόλων πρύτανιν […]

ὑπερόχῳ βρύοντα […]

μεγίσταντε θνατῶν […]

ὅθεν καὶ Ἀγανορίδας

ἐν ἑπταπύλοισι Θήβαις

Κάδμος Σεμέλαν φύτευσεν,

ἃ τὸν ὀρσιβάκχαν

τίκτεν Διόνυσον, […]

καὶ χορῶν στεφανοφόρων ἄνακτα.

Σπάρτᾳ ποτ’ἐν εὐρυχόρῳ

ξανθαὶ Λακεδαιμονίων

τοιόνδε μέλος κόραι ὕμνευν,

ὅτ’ἄγετο καλλιπάρᾳον

κόραν θρασυκάρδιος Ἴδας

Μάρπησσαν ἰότG?

φυγὼν θανάτου τG?

ἀναξίαλος Ποσειδὰν […]

ἵππουςτέ ϝοι ἰσανέμους

Πλευρῶν’ἐς ἐϋκτιμέναν

χρυσάσπιδος υἱὸν Ἄρηος