Fragments of the Hymn to Dionysus

[…] οἳ μὲν γὰρ Δρακάνῳ σ’, οἳ δ’Ἰκάρῳ ἠνεμοέσσῃ

φάσ’, οἳ δ’ἐν Νάξῳ, δῖον γένος, εἰραφιῶτα,

οἳ δέ σ’ἐπ’Ἀλφειῷ ποταμῷ βαθυδινήεντι

κυσαμένην Σεμέλην τεκέειν Διὶ τερπικεραύνῳ ·

ἄλλοι δ’ἐν Θήβῃσιν, ἄναξ, σε λέγουσι γενέσθαι,

ψευδόμενοι · σὲ δ’ἔτικτε πατὴρ ἀνδρῶντε θεῶντε

πολλὸν ἀπ’ἀνθρώπων, κρύπτων λευκώλενον Ἥρην.

ἔστι δέ τις Νύση, ὕπατον ὄρος, ἀνθέον ὕλῃ,

τηλοῦ Φοινίκης, σχεδὸν Αἰγύπτοιο ῥοάων,

[…] καί οἱ ἀναστήσουσιν ἀγάλματα πόλλ’ἐνὶ νηοῖς.

ὣς δὲ τὰ μὲν τρία, σοὶ πάντως τριετηρίσιν αἰεὶ

ἄνθρωποι ῥέξουσι τεληέσσας ἑκατόμβας.

ἦ καὶ κυανέῃσιν ἐπ’ὀφρύσι νεῦσε Κρονίων ·

ἀμβρόσιαι δ’ἄρα χαῖται ἐπερρώσαντο ἄνακτος

κρατὸς ἀπ’ἀθανάτοιο · μέγαν δ’ἐλέλιξεν Ὄλυμπον.

ὣς εἰπὼν ἐπένευσε καρήατι μητίετα Ζεύς.

ἵληθ’, εἰραφιῶτα, γυναιμανές · οἱ δέ σ’ἀοιδοὶ

ᾄδομεν ἀρχόμενοι λήγοντέςτ’· οὐ δέ πῃ ἔστι

σεῖ’ἐπιληθομένῳ ἱερῆς μεμνῆσθαι ἀοιδῆς.

καὶ σὺ μὲν οὕτω χαῖρε, Διώνυσ’εἰραφιῶτα,

σὺν μητρὶ Σεμέλῃ, ἥν περ καλέουσι Θυώνην.